Shillong, Mar 15: BCCI-ni All India Junior Selection Committee (U-16 Boys), Meghalaya Cricket Association-ni sak 3 cricket kal•na sapgipa chadamberangko, April jani 19 tarikoni May jani 15 tarikona, National Cricket Academy (NCA)-ni gita ong•atangnasienggipa U-16 Boys Zonal Cricket Academy (ZCA) Camp-o bak ra•na gita seokako man•aha.
Ia chadamberangoni a•chik saksaba seokako man•paaha, aro uamangara, Apandanka Marak, Gaurav Jyoti Thakuria aro Dipayan Nandi ong•achim. Indake, 2023 bilsini December 1 tarikoni 2024 bilsini January 6 tarikona, bilsi 16-ni ning•o me•asa dolrangni Vijay Merchant Trophy-na kal•anio, ga•suprete kal•enba uamangni dolko 2gipa biapo cheatahanina, uamangko seokahachim.
Indake uamangni ia kal•susaanio gisik nange kal•ahani giminsa, Surat, Cuttack aro Jaipur-o coach-rangni aro a•songni faculty member-rangni dilanichi ong•atnasienggipa ZCA camp-o bak ra•na seokako man•paaha.
Indake, Marak, chang 7 match-rango kal•susaanio sak 48 wicket-rangko ra•aanichi, a•song gimikoni 3 gipa biapko man•aha.
Gaurav Jyoti Thakuria-ba saksa robol gona sapgipa ong•achim aro chang 7 match-rango kal•e sak 31 wicket-rangko ra•aha.
Indake, Dipayan, chang 7 match-rango kal•anio, 393 run-rangko man•skaaha jeon, ua chang 4-na kingking half century-koba man•aha aro a•song gimiko 30 gipa biapko man•skaaha.
Na·simang iakoba poraina man·gen: Amit Shah-ni Assam-o Bardowa Project-ko oprake on•a re•baaniko dontongata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
