Shillong, Feb 26: Adita salrangna skang, Uttarakhand a•doko chang 37-gipa National Games-ko ong•atanio, medal-rangko chebagipa a•dokni sakbonga manderangna Budbar salo, Meghalaya a•dokni Chief Minister Conrad K Sangma, mande ra•pilskaaniko dakangaha.
Ia National Games-o gold medal-ko chegipa Vikash Rana, silver medal-ko chegipa Elizabeth Vincent, silver medal-ko chegipa Indra Sharma, bronze medal-ko chegipa Pynshngain Kurbah, bronze medal-ko chegipa Kiran Devi aro bronze medal-ko chegipa B Anandhi-na ia tom•anio a•dokni Chief Minister, mande ra•pilskaaniko dakangaha.
Meghalaya a•dokni sakbonga manderangko name kal•susana gita tarisoahani gimin a•dokni Chief Minister, uamangni coach Ian Vincent-naba mande ra•pilskaaniko dakangaha.
Ia program-ko ong•atanio a•dokni CM Sangma, jinmana aganprakengon, a•doko kal•susaaniko nambatatna gita sorkarini on•kange kam ka•anirangko janapangaha. 2018 bilsionin ia sorkari, kal•susaanio gisik nanggipa manderangna nambata cholrangko aro kal•chakram biaprangko on•na bang•bea tangka paisarangko koros ka•enga ineba ua aganaha.
2027 bilsio chang 39-gipa National Games-ko sokachakna seokaniara Meghalaya a•doko kal•chakram biaprangko nambatatna dakchakani ong•gen ineba Chief Minister aganaha.
2027 bilsio ong•atna sienggipa National Games-ona an•tangtangko nambate tarisamsona man•na gita sorkari, pilak nanga dakchakanirangko aro cholrangko kal•susaenggipa manderangna on•angkugen ineba ua ku•rachakaniko on•angaha.
Meghalaya a•dokni Youth & Sports Affairs department-na bang•bea tangka paisarangko chamanichi da•o kal•susaanirango namdapbaaniko nikna man•engaha ineba Sangma aganaha.
Ia tom•anio CM Sangma, a•doko kal•susaanirangko namdapatna gita miksonge ra•gatenggipa Meghalaya Sports Action Plan 2025-32 aro Chief Minister’s Football Mission-koba a•bachengate on•angjolaha.
A•songosan ong•aigija a•gilsakni gita kal•susaanirangoba Meghalaya a•dokna mikkim rasongko ra•bagipa manderangnaba ia tom•anio ua, tangka paisarangko boksis dake on•angaha.
Na·simang ia video-koba nina man·gen:
Na·simang iakoba poraina man·gen: Loyola Sec School-ni Sports Week-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
