Shillong, Apr 30: National Herald case-chi Congress aro Gandhi ma•chongni bimingko nosto ka•na jotton ka•enga ine Budbar salo, All India Congress Committee (AICC)-ni joint secretary Anthony Mathew, Bharatiya Janata Party (BJP)-ko matnangataha.
Budbar salo, Congress dolni political executive tom•aniko Shillong-ni Congress Bhavan-o ong•atangani ja•man kobor ra•timgipa manderang baksa agangrikengon, “National Herald case-chi BJP, Congress aro Gandhi ma•chongni mikkim aro mingnamaniko nosto ka•na jotton ka•enga ine chinga Meghalaya a•dokni manderangna talataniko on•na ska indiba ia case-o maming kakket ong•gipa sakkirang dongja, tangka transfer ka•aba dongja aro ia case a•bachengaoni da•alonan darang sorkarini jakba dongja ine chinga chingni dilgiparangna aro Meghalaya a•dokni manderangna talataniko on•ataha. India a•songni jakgitelaniko man•chengaoni da•alona kingking ia a•songna warachakenggipa Gandhi ma•chong aro Congress dolni bimingko nosto ka•na gitasa ia sorkari, ia case-ko taridapna enforcement directorate (ED)-ko jakkalaha,” ine Mathew parakataha.
India aro Meghalaya a•dokni manderang da•alona kingkingan Gandhi ma•chong aro Congress-ko dal•nikkuengani giminsa BJP, kenchakenba Congress dolni bimingko nosto ka•na jotton ka•enga ineba AICC-ni joint secretary aganaha.
Pahalgam-o bobil dake chakatgipa manderangni dosgri manderangko chadrapanina warachakanio Congress dolba, India sorkari baksa bakrimna tik ka•aha ineba Mathew parakataha.
Rongtalgipa Pope Francis-ni sianina kalimpaaniko dakna gitaba ia tom•anio Congress dol tik ka•angaha ineba AICC-ni joint secretary parakataha.
Congress Legislature Party (CLP)-ni dilgipa Ronnie V Lyngdoh-ni dilanichi Meghalaya Pradesh Congress Committee (MPCC)-ni dilgiparang, dingtangmancha Shillong-ni Archbishop Victor Lyngdoh-koba grongeaha.
Na·simang ia video-koba nina man·gen:
Na·simang iakoba poraina man·gen: Assam a·dokni Higher Secondary porikka -o me·chikrang me·asarangna bate nambate pass ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
