Shillong, Dec 13 : Sukrobar salo, Meghalaya Athletic Association (MAA), Odisha-ni Bhubaneshwar-o chang 39-gipa National Junior Athletic Championship-o Kid’s Javelin-ko ong•atanio bronze medal-ko chebaanina Rikangku D Sangma-na tangkako boksis on•an baksana mande ra•pilskaaniko dakanga.
Garo Hills-ni Karukol Jalaigre-o donggipa bilsi 12 ong•gipa Rikangku D Sangma, Javelin gosusaanio 51.91 meter chel•e goatna man•enba 3-gipa biapko man•an baksana itihas-o bimungtangko segataha.
Ia mande ra•pilskaani program-ko Polo-o donggipa JN Stadium-ni Meghalaya State Olympic Association-ni Conference Room-o ong•atangaha, jeon MAA-ni President EMH Passah, Secretary Finely L. Pariat aro Vice President Joel Marbaniang baksana gipinrangba dongpae bak ra•angaha.
Tom•anio aganengon, Secretary Finely L. Pariat, Rikangku-ni chu•sokanina kusi ong•paaniko parakatengon, National Junior Athletics Championship-o bak ra•e Meghalaya-oni chu•sokaniko man•giparangoni ua 2-gipa athlete ong•enga ineba parakataha. Sports Department aro Association-ni gita ia chadamberangko tarisamsoanio bakrime kamrangko ka•ahanina rasong on•e aganengon, ian uamangni rake kam ka•ani namgipa biteba ong•aha ineba aganangaha.
Una agreba, ua State Athletic Coach Daicy Marwein baksana Plesantly Synnah-ko, Rikangku Sangma-ni song Baghmara ong•genchim ong•oba una online gita skie on•anirangko dake dakchakaniko on•ahani gimin mitelpilskaanikoba ua dakangaha.
Ia bronze medal-ko man•aniara, Rikangku-ni chu•sokanisan ong•aija indiba ian a•dokna pattiani ong•an baksana ian Meghalaya a•dokni a•songni gadango susana kragipa athlete-rangko ong•katatna bil donganikoba mesoka inenba, Pariat aganangkuaha.
Athletes Federation of India (AFI)-ba Rikangku-ni changa sapaniko nikenba, uko mikkangchi Indian Athlete-rangoni niksengna sigiparangoni saksa ineba aganangaha.
Gisik ra•atpiltaia gita, Benningstar Lyngkhoi, 1999 bilsio U-16 2000m race-ko ong•atanio bronze medal-ko man•enba, a•dokoni a•songni gadango medal-ko man•bagipa bon•kamgipa mande ong•engachim.
Na·simang ia video-koba nina man·gen:
Na·simang iakoba poraina man·gen: MIG Shillong, Life Skills Training-o bak ra•giparangna mitelpilskaani program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
