Shillong, Oct 30: Sombar salo, Shillong songjinmani Mawpdang Mawkhanu-o program-ko ong·atangenba, National Law University Meghalaya aro Meghalaya State Judicial Academy-ni permanent campus-ko rikna gita a·arangko New Shillong Township Develeopment Academy, Meghalaya a·dokni Chief Minister Conrad K Sangma aro Meghalaya High Court-ni Chief Justice Sanjib Banerjee-na pakwate on·angaha.
A·arangko pakwate on·na gita program-ko ong·atanio a·dokni Law Minister Ampareen Lyngdoh aro Education Minister Rakkam A Sangma-ba dongpae bak ra·angaha.
Ia program-ko ong·atanio a·dokni Chief Minister, jinmana aganprakangengon, a·dok sorkarini rakbee kamrangko ka·enganichi namroro silrorobaenggipa dingtang dingtang a·songrango gitan Meghalaya a·dokba namroro silrorobana man·engaha ine parakataha.
India a·songara dambegipa a·songsan ong·aia aro a·songko dal·roroatna gita chadambe sakantian an·tangtangni kamrangchi on·gilna nanga ineba ua aganaha.
A·doko lekka porani gadangko namdapatna gita sorkari, chubata gadangrango poraidapangkuna gita cholrangko ra·baenga ineba Chief Minister aganaha.
Ia tom·anio Meghalaya High Court-ni Chief Justice aro National Law University Meghalaya-ni Chancellor Sanjib Banerjee-ba jinmana aganprakangengon, ia Law University-ko kulianichi joltangni chatro chatrirangba poraina gita chol ong·gnok ine aganangenba, mikkangchi ia National Law University Meghalaya-ko a·gilsak gimikna mesokna man·na gita university-ko dal·roroatanio pilakkon dakchakchina a·dokni manderangko didiataha.
Iakoba poraie nina man·gen: India-Malaysia a•songni gisepo Ex Harimau Shakti 2023-ko ong•atenga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
