Shillong, May 7: Meghalaya a•doko private hospital-rangni sanna bananirangko namdapatna ja•ku de•ani bak gita Budbar salo, Meghalaya a•dokni Chief Minister Conrad K Sangma, Shillong songjinmani Nazareth Hospital-na gong crore-sani cheque-ko skanggipa instalment-ni bak gita pakwate on•angaha.
Ia hospital-na gong crore-sani cheque-ko on•anganio a•dokni Chief Minister, tom•anio bak ra•giparangna aganprakengon, dingtang dingtang ra•bianirangko chagrongna nangengoba sorkari, a•doko sanna banani kamrangko namdapatna krenge kamko ka•enga aro India a•songni gipin a•dokrang baksa tosusagenchimode sanna banani kamrangna Meghalaya a•dokan tangka paisarangko bang•bate chamgipa ong•enga ine parakataha.
Meghalaya Health Advancement Policy-ni bidingo talataniko on•angengon, ian dingtang dingtang hospital-rang baksa bakrime, manderangna namgipa sanna bananiko on•anian ong•enga ine Chief Minister parakataha.
Sanna bananirangko on•anio dangdike on•enggipa pilak manderangko mittelpilangengon, mikkangchiba ka•oksiani, on•kangani aro ka•sachakani gnang dangdike on•angkuchina Chief Minister didiangaha.
Ia tom•anio, Nazareth Hospital-ni Administrator Sister Noreen-ba jinmana aganprakengon, tangka paisarangko dakchake on•ahani gimin a•dok sorkariko mittelpilangenba, ia tangka paisarangchi maikai sanna banani cholrangko namdapatna miksongenga, uarangni giminba talataniko on•angjolaha.
Na·simang ia video-koba nina man·gen:
Na·simang iakoba poraina man·gen: Bobil dolrangni dongchakgipa biaprangko nisigalnasa Operation Sindoor-ko ka•a ine MEA Secy talata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
