Shillong, July 6: National Commission for Women (NCW)-ni Chairperson Rekha Sharma, gipin chugipa gadango donge kamko ka•enggipa manderang baksa, Shillong songjinmaona July jani 7 tarikoni 9 tarikona, ia jolo songdongkamgipa me•chikrangni gisepo bading chiwalaniko tang•dobatatna gita Non-Timber Forest Produce-ni bidingo workshop aro regional conference ong•atanio bak ra•na re•bana sienga.
Ia tomaniko, Meghalaya Biodiversity Board baksa nangrimenba, State Convention Centre-o ong•atanggen.
July-ni 8 tariko ong•atani skanggipa salo sak 200 mangna bate songo donggipaoni bading chiwalgipa me•chikrang, game ge•e cha•giparang, self-help group (SHG)-ni member-rang aro samna jakkalgipa sambolrangko ge•giparang badita sak re•bagen aro ua uamangko nianggen.
Indake, July jani 9 tariko pilak official-rang aro iano bak dongpagipa sakantikon apsan biapo ong•atan baksana, namen skia man•giparang aro industry-ni gimin u•i ma•sigiparangba re•bae bak ra•angpagen. Ia session-o pala simani bewalrang, chasong gitalni ostro-rangko jakkalani, neng•nikanirangko chagrongani aro maikai tangka paisa man•aniko baridapatna gita man•achim iarangni gimin skie on•aniko dakanggen. Ia tomaniko ong•atani miksonganiara, NTFP-o pangchake bading chiwalaniko dakgipa manderangna pangkamgipa janggi tangani cholko on•a gita sulsul ja•ku de•anirangko a•bachengatna miksonganian ong•enga.
Ia skie on•nani ba workshop-ko ong•atanio, maikai bading chiwalaniko chalaina, dal•batatna, neng•nikanirangko chagronggenchim ong•ode maikai mikkangchakna, bading chiwalani kamrangko namroro silroroatan baksana man•gnirangko bariatna, gitalgipa chanchibewalanirangko be•en pilatna aro dingtang dingtang cholrangchi tangka paisarangko man•ani cholrangko mongsongbate skie on•aniko dakanggen.
Ia tomaniko ong•atani bak gita, Meghalaya a•dokni Governor, National Commission for Women-ni offical-rang chongmotan New Delhi-oni NCW-ni Chairperson Rekha Sharma, NCW-ni member Delina Khongdup, NCW-ni member Mamta Kumari aro NCW-ni Member Secretary Meenakshi Negi, IFS, iamangko a•dokni mongsonggipa sokgiparang ine parakataha. Ia u•iataniko, Meghalaya sorkarini Forest & Environment Department-ni gita on•ataha.
Na·simang ia video-koba nina man·gen:
Na·simang iakoba poraina man·gen: TMB Araimile-o rongtal an•talataniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
