Shillong, Jan 21: Shillong-o ong•atna sienggipa Livestock Conclave, jolo jilla kaanirangko dake cha•enggipa dolrangna namroro silroroaniko ra•bana chanchirimaniko dakna gita niam tarigiparang, changbegipa sapbegipa dolrang aro dilgiparangko apsan rimbana dakchakgen.

Ministry of Fisheries, Animal Husbandry & Dairying (FAHD)-ni ning•o, Animal Husbandry & Dairying, “Dialogue for Holistic Development of the Livestock Sector in North East India” ine katta bichongko donne Livestock Conclave 2015-ko ong•atanggen. Ia salgnina ong•atenggipa conclave-ko January jani 23-24 tarikrango Shillong songjinmao ong•atanggen.

Niamrang tarianio, koros on•agiparangko salna aro pangkamgipa ranta ka•anirangna didianiko dakanio ia conclave dakchakniko on•anggen. Iachi, Salgro Salaram jolrangni songo noko donggipa manderangni janggi tangani gadangko namdapatan baksana tangka paisani gita tang•dobatataniko on•a ka•dongsoenga.

Ia Livestock Conclave, India-ni Salgro Salaram jolo donggiparangni man•enggipa neng•nikanirangko olgrokatan baksana jilla kaanirang aro do•o jille cha•anio bil gnanganiko nina miksongani ong•a. Ranta ka•anirangko nambatatna, gital technology-rangko jakkalani aro namroro silroroaniko ra•bana gita niamrangko tariani bidingo manderang chanchirimaniko dakanggen. Game ge•e cha•giparang, bading chiwale cha•giparang, am•sandigipa dolrang aro niam tarigiparangna gital skie ra•anirangko dakna gita ia tom•bimonganio dakchakaniko on•angan baksana sorkarini program-rang jekai Animal Husbandry Infrastructure Development Fund and Rashtriya Gokul Mission-ni bidingoba iano u•iate on•anggen.

Ia tom•bimonganio, Union Minister Rajiv Ranjan Singh, FAHD-ni Minister of State aro Panchayati Raj Prof. S. P. Singh Baghel, aro FAHD-ni Minister of State & Minority Affairs George Kurian baksana, Meghalaya a•dokni Skotong Minister Conrad K Sangma aro North East Region (NER) a•dokrangni Animal Husbandry & Dairy Development-ni Minister-rangba ia tom•bimonganio bak ra•angpagen.

Uasan ong•aigija, Animal Husbandry & Dairying Department-ni Secretary Alka Upadhyaya, a•gipibatgipa official-rang baksana, NER a•dokrangni Principal Secretary-rang, scientist-rang, NGO-rang aro private industry-ni dilgiparangba ia tom•bimonganio bak ra•angpagen.

Na·simang ia video-koba nina man·gen:

Na·simang iakoba poraina man·gen: Changdokgipa M’laya Games-ko CM do•ga oe on•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub