Guwahati, March 6: India-ni Department of Science & Technology-ni ning•o jakgitelgipa organisation NECTAR ingipa dolsa, India a•songni Salgro Salaram jolrango namroro silroroaniko ra•bana gita technology-ko jakkalangna miksongenga. Ian gama ge•ani, samtangtango donggipa ong•telaigiparangko naljokatanio, ong•telaigipa obostarangko nirokani aro rika cho•anirango dakchakanirangko on•a baksana satellite map aro drone-rangko jakkale jolo man•enggipa neng•nikanirangko namatna kamrangko ka•anggen.

NECTAR-ni Director General, Dr. Arun Kumar Sarma, India-o tarigipa technology-rangko research lap-rangoniko ra•baenba, jolo bading chiwalaniko dakgiparang aro songni manderangna jakkaltogipa ong•atna ia organisation-ara maikai dakchakaniko on•engachim talate on•angaha. NECTAR, ia technology-rangko maidake jakkalna gita nangachim iarangni gimin manderangna skie on•an baksana uarangni namgniko u•ie ra•china aro sorkarini tangkarangko simsake jakkalchina gitaba u•iate on•angaha.

India-ni Salgro Salaram jolrango donggipa manderangni janggi tanganiko nambatatna aro pangkamgipa namroro silroroaniko ra•bana dakchakaniko on•a miksonganio, NECTAR gital chanchibewalanirang aro dolsa dolgipin baksa apsan ku•mong nangrimanina kamrangko ka•enga.

Na·simang ia video-koba nina man·gen: 

Na·simang iakoba poraina man·gen: U-15 Girls Inter District Cricket Tournament-ko M’laya-ni damgni a•jarango ong•atenga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub