Shillong, March 27: Re•anggipa March jani 25 tariko, North Eastern Hill University (NEHU)-o holi maniani salo so•sojengjeng ong•anio dol gipinni kattarangko knana man•aha jeon dolgnini kattarangan namen dingtanggrika.
Akhil Bharatiya Vidyarthi Parishad (ABVP) dolni da•o gital a•kange aganani gitade, NEHUSU-NI VP aro gipin sakgni chatrorang, chatro gipinrangko maltunrangchi dokaha jeni a•selan adita sak mata buanirangkoba man•aha.
Budbar salo kobor ra•timgiparangna ABVP-ni State Office Secretary Ishan Tham-ni see u•iatani gitade, World Organisation of Students and Youth (WOSY) dol, gipin a•songrang jekai Russia, Bhutan aro Bangladesh-rangni chatro chatrirang aro Nehu-ni chatro chatrirang baksa holi manianiko dakna gita Nehu-ni authority-rangni permission-rangko ra•esa, Nehu-ni chibolsamo manianiko dakna tariahachim.
“Rasonggribee ia tom•tom manianiara, Easterson Sohtun, Aditya Saurav aro Gurudutt Tripathi maangni maltun ra•e chadrapanichi golmal ka•ako man•aha aro adita chatro chatrirang saknaakoba man•aha. Ia dolrang poraienggipa chatro chatrirangni sontolgipa gisikrangko kal•enga aro antangtangni miksonganiko chu•sokatna ba politics-ni gita manderangko jujaatan baksana campus ning•ao namgijaniko gipatna jotton ka•enga,” ine ABVP-ni dilgipa press release-o parakataha.
Iako dakaniara paraken freedom of expression and assembly-ko jegalani ong•a ine Tham rake jegalan baksa aganangaha.
“Ia indakgipa obosta skangoba ong•angaha jeon, Easterson Sohtun, WOSY-ni manderangko doke saknaatna gita jotton ka•aha,” ine ABVP-ni dilgipa matnange aganangaha.
Budbar salo, NEHU-ni authority-rangko dos dakgipa manderangni kosako ta•raken rak•gipa ja•ku de•anirangko dakchina jedakode ia indakgipa obostarang ong•taijawa, ine ABVP-ni dilgiparang u•iataniko on•dapangaha.
Dolgipin, chongmotan NEHUSU-ni aganani gitade, Hindu-rangni dol Rashtriya Swayamsevak Sangh (RSS) aro Akhil Bharatiya Vidyarthi Parishad (ABVP) baksa holi kal•ani somoio nanggrikanio uamangni Vice President Easterson Sohtun mata buanirangko man•aha.
Indake ong•engon, Nehu Campus ning•ao holi kal•ani somoio adita chatro chatrirangni gisepgriko kajia ong•angaha jeon chatro sakgni adita mata buanirangko man•aha ine police dolrang ma•sina gita man•aha. Darangkoba iano rim•a dongkuja indiba ia case-ni bidingo ge•gni dingtang dingtang FIR-rangko segataha.
Na·simang ia video-koba nina man·gen:
Na·simang iakoba poraina man·gen: “Agathani rake kam ka·enganiko PM Modi namnikani a·sel uko susana BJP candidateko seokjaha”
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
