Shillong, Nov 18: North Eastern Hill University (NEHU)-ni Acting Vice Chancellor, Prof. Nirmalendu Saha, campus-o dondikgija jingjengataniko dakengani gisepon University-ko mangrakbatatna man•a gita bakrimpachina NEHU-ni pilak member-rangko mol•molataha.

Batanggimin adita salrangonin, niamni kosako kamo rakkia man•gipa NEHU-ni Vice Chancellor Prabha Shankar Shukla aro gipin official-rangko kamoniko ra•galchina dabie, chatro chatrirang okgimu chake jingjengataniko dakbaengaha. Iandake sinjetaniko man•anichi Prof. Shukla kamoni chutti ra•na nangao ga•akaha aro Inquiry Committee-ko songaona sokataha.

Iandakgipa  somoirango chatro chatrirangni lekka pora aro an•seng baljokaniko naljoke rakkina gita university-ni administration-rang kam ka•enga ine Prof Saha aganengon, iandake okgimu chakanichi uamangni be•en bimangna kenchakani ong•engani gimin ia okgimu chake jingjengataniko dontongchina ine chatro chatrirangko ua mol•molataha. Iandakgipa somoio medical dolrangba uamangko niroke mikrake dongenga ineba ua aganaha.

University-o tom•tomaniko ra•bana gita, Prof. Saha, mongsonggipa dolrang jekai, NEHU Students Union (NEHUSU), NEHU Non-Teaching Staff Association (NEHUNSA) aro NEHU Teachers Association (NEHUTA) baksa tom•e chanchirimaniko dakanga. Indake, pilak university-ni nangchonggipa kamrang, chong•motan, scholarship aro uandake gipin kamrangko ka•angna tik ka•ahanina, NEHUNSA dolko ua mitelpilskaaniko dakangaha.

Ia NEHU campus-o so•sojengjeng ong•engani chong•mot a•selrangko u•ina man•a gita am•sandianiko dakna dolsa Inquiry Committee-ko  songaha aro uamangni sandia man•giminko Ministry Of Education nipiltaianiko dakangskagen. Indake ia am•sandianioba pilakkon kraa bewalo ba kakket ong•e paraken sandianiko dakanggen ine ba Prof. Saha parakataha.

Na·simang ia video-koba nina man·gen: 

Na·simang iakoba poraina man·gen: Manderangna ka•saani gimin ‘Do•bima’ ine mingsingako man•gipa me•chik a•gilsakko watanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub