Shillong, Jan 23: North Eastern Hill University-ni Non-Teaching Staff Association (NEHUNSA), Union Minister Dharmendra Pradhan-ko Vice-Chancellor-ni kamko dikdiksana jako ra•e ka•enggipana dingtangmancha bilrangko on•china gita didiangaha.
NEHUNSA-ni President, Dr. W. R. Synrem, uamang Union Minister-ko Vice-Chancellor (in-charge) ba VC-ni kamko dikdiksana jako ra•e ka•enggipana, bangbang ong•e dongenggipa biaprango nakatatgimin gita manderangko kamna rakkina bilko on•china didiangaha ine janapataha. University-o so•so jengjeng ong•anirangko namatna gita jadonggaatani gisepon, ia mol•molaniko knachakgenchim ong•ode uamang mitelbegen ineba janapatkuaha.
Association-ni gita uamang University-ni ning•o ong•enga obostarangni bidingoba ta•rake nirokataniko dakatchina gita Union Minister-o mol•molataha,ineba Dr. Synrem u•iataha.
University-o ong•enga obostarangni a•sel Vice-Chancellor-ni chutti ra•angani gimin, NEHU-ni niamo pangchake a•gipibatsranggipa professor Vice-Chancellor-ni office-ko nirokaniko dakenga ineba ua agandapangkuaha.
Da•o Vice-Chancellor-ni kamko dikdiksana jako ra•e ka•enggipa, University-ni bang•a kamrangko ka•na gita chu•gimik bilrangko man•jani a•sel kamrang jachange dongna nangao ga•akenga, mongsongbate nakatatgimin kamrangna mande rakkianio neng•nikanirangko man•batenga.
Office-o kam ka•enggiparang bilsiantin sak 50-na baten kamoni neng•takgiparang ong•ani a•sel staff-rang ta•raken komiangroroengaha ineba, Dr. Synrem u•iatangan baksana, kamna rakkianirangko ta•rake dakatja ong•ode University-o administration-ni kamrangko dondikna nangaona soknaba donga ineba , ua Union Minister of Education-na u•iataha.
Na·simang ia video-koba nina man·gen:
Na·simang iakoba poraina man·gen: NorthEast United, Midfielder Mohammad Arshaf-ko bilsi 3-na rimnapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
