Tura, May 2: Adita salrangna skang, North Eastern Hill University (NEHU) Shillong campus-o Hindi department-ni assistant professor Dr Alok Singh-ko adita sak chatrorangni dokaniara namen kragijani ong•aha ine Sukrobar salo, Meghalaya a•dokni Education Minister Rakkam A Sangma jegalataha.
Ia a•selo jak donggipa manderangni kosako niamo pangchake nanga gita ja•kurangko de•anggen ine janapatengon, ia a•selni bidingo a•dokni Chief Minister Conrad K Sangma, ma•mong sorkari baksa agangrikenga aro NEHU-o ong•enggipa obostarangko namatchina didirongenga ine Sangma parakataha.
NEHU-ara central university-sa ong•ani gimin iano a•dok sorkaride jak snilate dangdike bil dongja indiba NEHU-o ong•enggipa obostarangni bidingo a•dok sorkari, pangnan ma•mong sorkarina u•iatskaenga ineba Education Minister aganaha.
University-ona chatro chatrirang, a•gilsakni seng•aniko ra•na gitasa re•baenga ine janapatskaengon, iandakgipa ong•gija kamrango jak on•pajachina aro an•tangtangni poraianirangosa gisik on•china gita Sangma, chatro chatrirangko mol•molataha.
Na·simang ia video-koba nina man·gen:
Na·simang iakoba poraina man·gen: Assam-o matburing badingsrukgiparangoniko mang 202 Sand Boa chipurangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
