Shillong, Mar 4: North-Eastern Hill University Teachers’ Association (NEHUTA), Vice-Chancellor Prof. P.S Shukla-ni adita jarangna chutti ra•a jaman officially office-ona re•bakujagenchim ong•oba, online gita kamrangko a•bachengataha ine a•kanganiko raken jegalataha.
NEHUTA-ni dilgiparang, Prof. Lakhon Kma aro Dr. Marbhador M. Khymdeit, NEHU-ni bilsi 50-ni itihas-o ian skanggipa changna Shillong-o donggipa university-ni headquarter-oni chel•ao donge, Vice-Chancellor-ni online gita kamona re•bapilani ong•enga ine u•iataha. Official tour ba chuttio ong•ani gisepon, kamona re•bapilaha ine a•kanganiara university-ni niamrangko pe•ani ong•a ineba uamang janapataha.
Prof. Shukla-koara university-o niam pe•anirangna am•samdianiko dakengkuani gimin ia a•kangataniara namen namjabataha. Am•samdiani report-rangko man•kuja baksana iarang matchotkuja dipet uko chuttio dongchina gita ge•etaniko on•ataha, inenba NEHUTA aganaha.
Batanggimin somoirango uni dilsretani a•selan NEHU neng•nikanirangko man•aha aro da•o uni ia ja•ku de•aniara jajaanirangko on•atgnok inenba skigiparangni dol uni dilaniko matnangataha. Uamang authority-rangko university-ni kakket ong•aniko chel•chakchina gita didiataha.
Re•anggipa bilsini November 15 tariko Prof. Shukla, chatro chatrirangni jingjengataniko dakmiting somoio “gelna man•telgijagipa obostarangni a•sel” ine seenba chutti ra•angaha. Uni dongjamiting somoio, Prof. Nirmalenda Saha, Acting Vice-Chancellor dake kamrangko jako ra•e ka•angaha.
Na·simang ia video-koba nina man·gen:
Na·simang iakoba poraina man·gen: Assam-ni gitcham Skotong Minister-ni demechik driver-tangko doka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
