Shillong, Nov 12: Chatro Chatrirangni NEHU Campus-ni gate-ko dala teke donani gisepon, North Eastern Hill University-ni Vice Chancellor Prof. Prabha S. Shukla, nangchongmotenggipa chanchirimaniko chanchirimna gita, online gita Executive Council (EC) meeting-ko ong•ataha.
Hub News baksa agangrikengon, chatro chatrirangni miksonge jingjengatenganiko ba dabiani bidingo, ia EC meeting ka•ani ba chanchirimani somoio chanchirimangaha ine VC aganaha. Unbaksana, chatro chatrirangni dabia gitan Pro VC-koba rakkianggen ine aganan baksa, chatro chatrirangko uamangni okgimu chake jingjengatenganiko dontongchinaba ua mol•molataha.
NEHUSU aro KSU-NEHU unit-ni dilanichi, November 5 tarikoni VC-ni office mikkango chatro chatrirang okgimu chake jingjengatenganiko dakenga. Ia jingjengataniko dakengani miksonganiara, VC an•tang kamko watchina, Registrar aro Deputy Registrar-ko kamoniko ra•galchina aro Shillong aro Tura campus-o Pro VC-ko rakkichina ine jingjengatani ong•achim.
Indake da•o VC dongenggipa biapko jinmana u•iatkuja, indake ong•genchimoba ua google meet, email aro WhatsApp gita chanchirimaniko dakenga.
Sonibar attamo, uni dongchakenggipa nokko jingjengatenggipa dolrang nosto ka•e donangaha jeon, uni gari, nokni kelkirang aro babilsi nosto ong•atako man•aha aro ua apsan attamon ua joke katna man•aha ine VC an•tangan parakataha.
Na·simang ia video-koba nina man·gen:
Na·simang iakoba poraina man·gen: 1962 bilsio Walong-o dakgrikanggipa matgrikrangko gisik ra•ani bak gita Indian army-rang Motorcycle Expedition-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
