Shillong, Dec 2: North Eastern Hill University (NEHU)-ni Vice Chancellor, Prof. Prabha Shankar Shukla, chatro chatrirangni jingjengata jaman aro uni kosako niamgri kamna rakkiani baksana university-ko chalaianio chu•sokja ine matnangani bidingo am•sandiani matchotkujani gimin December 13 tarikona chutti ra•dapangkuaha.

Sombar salo, Prof. Shukla-ko kamona re•bapilnaba donga ine ka•dongsoenba, VC-ko university ning•aona napbana on•jana gita jingjengatgipa chatro chatrirang aro gipin dilgiparang campus-ona tom•batokaha.

NEHUSU-ni chatro chatrirang, Prof. Shukla-ko ra•galna gita jingjengataniko dakengon VC re•bapilode gate-ko chipna miksonganiko parakataha.

Kobor ra•timgiparang baksa agangrikengon, NEHU-ni Vice Chancellor Incharge, Nirmalendu Saha, November 30 tarikoni December 13 tarikona VC-ni chutti ra•dapaniko parakataha.

Ministry of Education-ni aganani gimin VC, uni chutti ra•daaniko baridapatahakon maina iani gimin ua mamingkon u•ia dongjachim ine aganan baksana, sakgni member committee songgiminrang, NEHU-o ong•enga obostarangni bidingo report-rangko on•a gita nangkuenga ineba ua u•iatangaha.

Bang•gija salrangna skang, chatro chatritangni dol ge•gni, sal 16-na okgimu chake jegalaniko dakanio be•en an•senggijaniko man•ahani a•sel hospital-o donna nangenba, uamangni dontonggija okgimu chakaniko dikdiksana dontongataha.

Na·simang ia video-koba nina man·gen: 

Na·simang iakoba poraina man·gen: A•a para on•aniko sorkari bilsi 60-ona bariata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub