Tura, November 15: NEHU-ni Vice Chancellor (VC), Prof. Prabha S. Shukla, gelna man•telgijagipa obostarangni a•selo ine janapenba da•alo sal 12-na earned leave ra•angaha aro nangdapa ong•ode uni chuttini salrangko bariatnaba gnang. Uni dongjao, Prof. N Saha ba gipin a•gipibatgipa professor-rang VC-ni kamrangko jako ra•e ka•angskagen.
Khasi Students’ Union (KSU-NEHU)-ni chakpaaniko man•e, NEHU-ni chatro chatrirang University-o niamgri kamna rakkiani bidingo, VC, Registrar aro Deputy Registrar-ko kam watchina dabian baksana Shillong aro Tura Campus-na Pro VC-rangko songe on•china gita dondikgija okgimu chakani da•alo sal 11 gapaha.
VC-ni kamko watna jechakani gimin, chatro chatrirang aro skigiparang, uko ru•uta somoirangna chutti ra•angenba uni pilak kamrangko a•gipibatgipa professor-rangna pakwate on•angchina didiatskaaha. Iani gisepon, Education minister-ba iani bidingo name am•sandianiko dakna gita sakgni member committee-ko a•bachengate on•angaha.
Na·simang ia video-koba nina man·gen:
Na·simang iakoba poraina man·gen: Chetgipa Bilgaro-ko Tura-o a·bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
