Shillong, Nov 14: North Eastern Hill University-ni administration aro uamangni chatro chattrirang aro skigiparangni gisepo adita nanggrikanirang ong•enganiko aro administration-rangni kosako matnangengani bidingo ning•tue am•sandianiko dakna gita, Ministry of Education, inquiry committee-ko Bristibar salo songaha.

North Eastern Hill University Students Union (NEHUSU), Khasi Students Union (KSU-NEHU Unit)-ni chakpaaniko on•anichi, Registrar   aro Deputy Registrar-ni kamna niamni kosako kragija bewalo kamo  rakkia ine aro Vice Chancellor an•tang kamko name ka•jaenga ine matnangenba VC an•tang kamko watna nanga aro Registrar aro Deputy Registrar-ko kamoni ra•galna nanga ine dabie okgimu chake jingjengataniko sal 10 mangna dakbaengaha aro ian uamangni university-o pilak ka•gni kamrango neng•nikaniko on•engaha, iani gisepon ia obostarangni bidingo am•sandianiko dakna gita, Government of India-ni ning•o Education Ministry-ni Secretary, D. K. Himanshu, soi ka•e ge•etaniko on•ataha.

Indake am•sandianiko dakna gita, sakgni member committee-ko songaha aro ia committee-ni Chairman-na, University Grants Commission (UGC)-ni gitcham Chairman, Prof. D. P. Singh-ko seokaha aro gnigipa member-na Assam University-ni gitcham Vice Chancellor, Prof. Dilip Chandra Nath-ko seokaha.

Ia committee-sa da•ode Registrar aro Deputy Registrar-ko niamni a•palo kragija bewalo kamo rakkiaha ine chatro chatrirangni matnanganiko am•sandianiko dakanggen aro sal 15-ni gisepo report-rangko Ministry-na on•gen.

Unbaksana, National Institutional Ranking Framework (NIRF)-o ia University-ni tang•onroroaniko janapani gita, mai a•selni gimin tang•onengachim uarangkoba sandianiko dakangjolgen.

Una agreba, chatro chatrirangni nangnikaniko knachakgijani, rika cho•ani kamrangko namdapatgijani aro chatro chatrirangni badi ka•ani aro memorandum on•anirangko VC-ni maming aganchakaniko on•gija namrenge ra•anikoba sandianiko dakanggen.

Ia am•sandianiko dakani somoio, pilak nanggipa lekka pancharangko committee-ni gita am•genchimode, uarangko on•china inenba NEHU-ni administration-na Ministry-ni gita u•iataha.

Na·simang ia video-koba nina man·gen: 

Na·simang iakoba poraina man·gen: Bilsi kari dingtangba•roroani a•sel, Assam aro West Bengal-o cha bagan neng•nika

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub