Shillong, Oct 26: North Eastern Hill University (NEHU)-o poraienggipa chatro chatrirangni dabianirangko knachakjaengani gimin Bristibar salo, North Eastern Hill University Students Union (NEHUSU) class-rangko ra•na on•gija campus ning•o jingjengatangaha.

NEHU-o poraienggipa chatro chatrirangna nambata cha•ani ringanirangko on•china, campus-o WI-FI-ko on•china, hostel-rangko nambatatchina, School of Technology (SoT)-na library-ko rikchina, laboratory-rango nambata computer-rangko on•china, mark-rangko on•anio maming dongnuani dongjachina aro maming advertisement gri kamo rakkigipa technical officer/senior consultant-ko ra•galpilchina gita NEHUSU dabiengachim ine nikna man•a.

Indake ong•genchimoba, ia dabianirangko NEHU-ni Vice Chancellor, knachakjaengani gimin Bristibar salo NEHUSU, chatro chatrirangko class-rango napna on•gija campus-o ning•on jinma re•jome jingjengatanirangko dakangaha.

NEHU-ni Vice Chancellor, Kiang Nangbah Guest House-o Academic Council-ni tom•anio bak ra•enga ine koborko man•soani ja•man chatro chatrirang, ua biaponaba jinma re•jomangaha.

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub