Shillong, Nov 25: North Eastern Hill University-ni Vice Chancellor Prof. Prabha S. Shukla-ni university-ona re•bapilaniko nangnikja ine North Eastern Hill University Students Union(NEHUSU), Khasi Students Union (KSU-NEHU) aro North Eastern Hill University Teachers Association (NEHUTA) dol jegalaniko daksoaha.

VC-ni dilanio bang•a gualanirang aro dilsretani kamrangko janape VC Prof. S. Shukla-ni University-ona re•bapilaniko nangnikja aro uni re•bapilaniko uamang ra•chakna man•jawa ine Ministry of Education-ni songgipa committee-na janapenba  memorandum-ko on•aha.

NEHUSU-ni President Sandy Sohtun, batanggimin bilsi 3-rangonin VC-ni ka•gimin kamrangko janape memorandum-ko 2022 bilsion on•manahachim. Indake, committee-ni gita jeko sandie man•genchimoba, university-o uko nokchakna man•jawa ine aganaha.

NEHUTA-ni President Prof. Lakhon Kma-ba, VC NEHU-ko a•kuangona dilaha aro uni re•bapilaniko NEHU-ni dingtang dingtang dolrang aro Mawlai Town Dorbar jegalsoenga ine janapataha.

NEHU-ni chatro chatrirang uamangni okgimu chake jingjengataniko dikdiksana dondikataha, indake ong•genchimoba VC-ni re•baaniko jegalsoe jingjengataniko a•bachengataignok ine NEHUSU-ni President Sohtun parakataha.

Indake iani bidingo sandianiko dakna songgimin committee-ni report-ko ru•utgijan jinmana parakatgen.

Na·simang ia video-koba nina man·gen: 

Na·simang iakoba poraina man·gen: Arnunachal Pradesh-o chang 56-gipa Nocte Chalo Loku Festival-ko manianga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub