Tura, March 24: North Eastern Hill University (NEHU), Tura Campus-ni Agribusiness Management and Food Technology Department, East Garo Hills, Williamnagar-ni Loyola College-o salsana Agri-Food Connect program-ko ong·atangaha. Ia program-o Science ra·gipa Higher Secondary-ni chatro chatrirangna, agribusiness aro food technology-o mikkangchi janggi tangani cholrangko skie ra·ani bidingo u·iate on·angaha. Uasan ong·aigija, ian uamangko dingtange chanchibewalan baksana game ge·e cha·anio bading chiwalani cholrangko chanchibewalna gita didia.
East Garo Hills-ni, Additional Deputy Commissioner, Ripamchi N Sangma, mongsonggipa sokgipa, India-ni namroro silroroanina game ge·e cha·ani baditana gamchatachim uni gimin aganengon, game ge·e cha·ani a·bao mikkangchi janggi tangani cholrangko sandichina gitaba didiangaha. Mizoram University-ni Dr. Paras Sharma, maina kra·a gita cha·anirangko cha·na gita nangachim aro chu·onga gita be·enna namgipa cha·anirangko cha·jagenchim ong·ode maikai be·enna namgijako ra·baskaachim uni gimin talate on·angaha. ABM&FT-ni head, Prof. Deepak Bhagat, agribusiness aro food technology-ara chatro chatrirangna nambatgipa janggi tangani chol ong·a ine chanchirimaniko dakdilangskaaha.
Ia tom·bimongnio, chatro chatrirangl cha·anirang namama namja uko skie ra·angan baksana che·engoniko candy ba chi·gipa bostuko tariani aro tapioca mochi ba ta·bolchu-oniko tarigipa cha·anirangko tarie mesokangaha. Dr. R Sasikumar, ia business incubation-ara maikai gital chanchibewalanirangko bading chiwalanio chu·sokgipa ong·atna dakchakachim talate on·angaha. Dr. Sheena Haorongbam, mikkangchi janggi tangani cholrangko san·diengon, chatro chatrirangko name chanchibewalanirangko dakchina didiataha.
Na·simang ia video-koba nina man·gen:
Na·simang iakoba poraina man·gen: Assam Rifles, kamoni neng·takgimin sipairangko mande ra·e Veterans Day-ni salko manianianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
