Shillong, Nov 11: North Eastern Hill University Non-Teaching Staff Association (NEHUNSA) dol, NEHUSU-ni dilanio chatro chatrirangni, NEHU-ni Vice Chancellor, Prof. PS. Shukla-ko kamoniko ta•rake ra•galchina dabie dondikgija okgimu chake jegalanina chakpaaniko on•angaha.
NEHUNSA-ni President Dr. WR Synrem, uamangni University-ko officer-rangni skie ra•chakram biap dake jakkalaniko nikna sikja, batesa India sorkarini dongimin niam gita chu•a gadango donggipa officer-rang staff-rangko dilna gitasa nanga ine aganangaha.
Uasan ong•aigija, da•o ong•enggipa Vice Chancellor-ni kam ka•na a•bachengoni, University-ko dilani aro chalaiani bidingo u•iani komiani a•sel kam ka•ani pilakan golmal ka•ako man•enga ine aganengon, Non-teaching staff-rang jean administration-ni nanggipa kamrangko jako ra•e ka•enggiparang ong•enba namen neng•nikanirangko man•enga maina kamrangko somoi gita ka•jani a•sel University-o salanti kam ka•na nanggiparang jadongaatako man•enga ine ua matnangataha.
University-ni dingtang dingtang post-rango ta•rake gapatna nangenga ine Vice Chancellor-ni aganani gimin, Guwahati-o interview-rangko ong•atahachim ine aganengon, interview ra•a man•gipa Controller of Examination-ko kamna ra•aoni ja 6 jamansa kamona re•bachina agananiara gimikkon jagoktokaha, ine Dr. Synrem u•iatangan baksana, University-o English ku•sikko mongsongbate jakkalbatgipa ong•engon, interview ra•anio chu•sokgipa Deputy Registrar jean English ku•sikko name agana sapgijagipa ong•achim, uni a•selba salantio kam ka•anirang nangchakeako man•enga ineba ua aganangaha.
University-ko a•bachengataoni ian skanggipa changna campus-ni rama namgijaniko nikna gita man•engon, iani bidingo Vice-chancellor baksa changni chang agan-golpogrikaniko dakahaoba da•alona kingking maming ja•ku de•anirangkoba dakkuja, ine Dr. Synrem parakataha.
University-o kam ka•enggiparangni dongchakenggipa nokrangkoba umang an•tangtangsa tarina gita nangengon, uamangni House Rent Allowance (HRA)-koba japrako kattienga ine aganangan baksana streetlight-rangba tengjaenga a•sela chatro chatrirang aro walo kam ka•enggiparangna jajrengani ong•enga ineba ua aganangaha.
Sorkarini dongimin niamni gitade, sagipa mandena sanna banna gita dakchakaniko sal 10-ni gisepon on•a gita nanggenchimoba, University-o kam ka•gipa jean bilongbee saangahachim, ua dakchakaniko man•a gita jasana sengna gita nangaha aro indake ua sagipa mande aro uni nokdangni manderangna neng•nikanirangko ra•baaha.
Na·simang ia video-koba nina man·gen:
Na·simang iakoba poraina man·gen: PA Sangma International Medical College-ni skanggipa batch-ni MBBS chatro chatrirangna orientation program-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
