Tura, Mar 23: Tura NEHU Campus-ni chatro chatrirang, Tura Campus-ni NEHUSU-ni Vice President gita, batanggimin adita bilsirangna Tura-ni NEHU Campus-o Students Union-na election-ko ong•atkujaengani gimin, ia chango ong•atchina ine didiatenba, North Eastern Hill University (NEHU)-ni Vice-Chancellor Prof. Shukla-na chittiko sedoataha.
Indake, da•o dipet chatro chatrirangni neng•nikanirangko aro nangnikanirangko dangdike on•a gita, Tura Campus ning•o Students Union-an dongkujaenga ine nikna man•a.
Indake ong•engani gisepo, Vice Chancellor, ra•gatgimin niam gita university ning•o dolsa Students Union-san dongna man•aia inenba chatro chatrirangna u•iatan baksa, ia kamko ra•enggipa pilak dakna nanggni kamrangko jako ra•enba damgni campus-rangon dangdike on•a nanga inenba talate on•angjolaha.
Una agreba, Tura NEHU Campus ning•o mikkangchi ong•atnasienggipa Programme-rang jekai, varsity week aro uandake dingtang dingtang program-rangko, students council-ni gita election ong•kujaenga dipet, chu•gimik jako ra•e kamrangko ka•na nanggen ineba ua parakataha.
Indake, chatro chatrirangni representative-rang, NEHUSU election-ko ong•atna skang, Tura Campus-ko nirokna dol ge•sako tarichina aro ia election-ko man•a dipet ta•rake ong•atchina inenba Vice Chancellor-ko didiataha.
Indake iani bidingo, Committee-ni gita tom•e chanchirimaniko dakanggen ine Vice Chancellor uamangna u•iataha.
Na·simang ia video-koba nina man·gen:
Na·simang iakoba poraina man·gen: Garo Hills sima ari sepangjolo dongenggipa Bangladesh-ni mandeko, buringni mongma doke siata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
