Shillong, March 22: North Eastern Indira Gandhi Regional Institute of Health and Medical Sciences (NEIGRIHMS) hospital “Hygeia 2025” ine katta bichongko done rongtal-an·talani bidingo aro sana-bananiko nambatataniko on·na ine miksonge sukrobar salo programko ong·atangaha. Ia tom·anio Shillong aro sepang jolni dingtang dingtang hospitalrangoni sak 140 mang bak ra·angtokaha.
Sanram biaprango rongtal-an·talani, sagiparangko ka·sae nirok-sandiani, ICU aro operation theatrerangko rongtale rakkiani aro uandake gipinrangni bidingo ia programo agan-talate on·angaha. Shillongoni Institute of Hotel Management (IHM) cha·a-ringaniko simsakani bidingo aro State Pollution Control Board jakkalgimin chirangko watgale galani bidingo nambate dakna man·ani bidingo aganpaaha.
NEIGRIHMSni Proffessor Vandana Rafael tom·anio aganengon, iandakgipa programko ong·atahani gimin Sanitation departmentko mittelaha aro ian sanram biaprango rongtal-an·talanirangko nambatatna dakchakbeani aro didiani ong·gnok ine aganaha.
NEIGRIHMS hospitalni Medical Superintendent Proffessor Suvamoy Chakravarty hospitalrangko rongtal-an·tale rakkichina aro skatang jabolrangko galramramjachina manderangko aro Hospitalo ka·enggiparangko mol·molangaha. NEIGRIHMS ni Deputy director David Umdor, hospital ning·o rongtal-an·talaniko namdapatna, ringani chirangko rongtale rakkiani aro sabisirangoniko naljoke rakkini bidingo namdapataniko on·ani gimin aganaha.
Ia programo bak ra·giparangko gisik nangatna jabolrangko name galani bidingo sing·susaanirangkoba ong·atjolaha jeon dal·batgipa cheani boksisko supercare Hospital, Maiong CHC, aro NEIGRIHMS man·angaha. Skanggipa, gnigipa aro gittamgipa boksisko While Reid Provincial Chest Hospital, Ganesh Das Hospital aro Civil Hospital man·angskaaha.
Na·simang ia video-koba nina man·gen:
Na·simang iakoba poraina man·gen: HNLC ni mol·molaniko April- 9 tariko court knaatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
