Shillong, Apr 6: North Eastern Police Academy (NEPA)-ni 50-gipa batch-o skie ra•gipa sak 178 me•chik police officer-rangko man•chape gimik sak 578 police officer-rang, sub-inspector-ni gadango pass ka•angaha aro uamangna Budbar salo, dingtangmancha Ri Bhoi a•jao donggipa NEPA-ni campus-o ‘Dikshant Parade’ (Passing Out Parade)-ko ong•atangaha.

NEPA-o training donge pass ka•anggipa police officer-rangara Assam Police-oni ong•a aro uamangna Passing Out Parade-ko ong•atanio Assam-ni Chief Minister Himanta Biswa Sarma, mongsonggipa sokgipa ong•e bakko ra•angaha.

Pass ka•anggipa police officer-rangni ku•mikchetaniko NEPA-ni Director Deepak Kumar dilangaha aro ia police officer-rangna, Assam-ni Director General of Police (DGP) Bhaskar Jyoti Mahanta, agan-ku•pattianirangko on•angskaaha.