Guwahati, April 12: Nepal-o mingsingbegipa aro politics-o namen jingjengatgipa Durga Prasai-ko, anti 2-na donue kata jaman Assam-ni Baksa a·jaoniko rim·aha. Ua Communist Party aro Maoist dolrangna chakpaaniko on·gipa ong·achim, indiba jamano ua Nepal-o Hindu Monarchy ba Hindu rajachi sason ka·aniko ra·bapilna chakpaaniko on·a a·bachengataha.
India-ni authority-rang uko Katarbhitta sima ari-o pakwatatenba, uko Kathmandu-ona sildorengo rimangaha. Kathmandu-ni Tinkune-o March jani 28 tariko rajana chakpagiparangni jegalaniko dakanio so·so jengjeng ong·ataniko ra·baanina dosi galako man·enga. Rajani sasonko ra·bapilna gita Joint People’s Movement Committee-ni ong·atgipa ia jingjengatani, Prasai-ni champenggimin biapona napdrabaani a·sel so·so jengjeng ong·na a·bachengaha. Police dolrang, jinmako katatna gita tear Gas aro slai gulirangko jakkalaha, jeon sak 2 manderang janggitangko gimaatan baksana sak 20 manderang saknaako man·aha.
Changsao B&C hospital-ko chalaigipa, Prasai, Jhapa ingipa biaponi ong·achim. KP Sharma Oli-ni ning·o ua Communist Party Central Committee-ni member-ba ong·paachim. 2018 bilsio dilgiparang jekai KP Sharma Oli aro Pushpa Kamal Dahal (Prachanda) baksa jachipchango nakata jaman uni political a·bao kam ka·ani dingtangbana a·bachengaha. Indake jamano, Dr. Govinda K.C, private heathcare ba private sanram biaponiko tangka kamaianina uko Nepal-ni “Medical mafia”-o bak dongpagipa ine matnangataha.
2022 bilsio, election-o susana party-ni gita ticket man·jani gimin Communist Party-ko watgalenba, rajana chakpagipa dolni dilgipa ong·baskaaha. Uni YouTube-o agangipa kattarang songadamrango donggipa chadamberangni gisepo namen mingsingangaha.
March jani 27 tariko, rajana chakpagipa dolrang uko uamangni “Public Commander”-na seokaha. Salgipino, uamangni jingjengatani so·so jengjeng ong·aona sokenba ua Assam-o katnapeaha. Uko rim·aniko mitam manderang tom·tomaniko ra·bana ja·ku de·ani ine aganengon, una chakpagiparang iako politics-ni gita jakbikpilani ong·a ine aganskaenga.
Na·simang ia video-koba nina man·gen:
Na·simang iakoba poraina man·gen: Durama Degree College-ni Hostelko Meghalayani speaker oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
