Shillong, May 30: Meghalaya a•dokona salbongana re•bagipa Germany a•songni German Christian Democratic Union (CDU) Party-ni MP Florian Muller, Mongolbar salo, Ri Bhoi a•jani Nongsder-o donggipa North Eastern Space Applications Centre (NESAC)-ko nina re•angenba, ia centre-ni dingtang dingtang kamrangna mittelpilaniko parakangaha.

German MP Florian Muller-ko NESAC-ni Director Dr SP Aggarwal rimchaksoenba, NESAC-ni campus-ko nidilangaha aro uni ja•mano NESAC-ni scientist-rang una ia centre-o ka•enggipa kamrangni gimin agan-talate on•angaha.

NESAC-ni scientist-rang, Disaster Management Support, Flood Early Warning Systems (FLEWS), Forest Fire Monitoring, Landslide aro Thunderstorm Nowcasting-ni gimin German MP-na agan-talate on•angaha.

Ia NESAC-ara, ong•telaigipa a•selrang, jekai banggriani, chi banani, wa•al kamani, a•a rurongani, mikka balwa ta•rakani aro uandakgipa a•selrangni gimin manderangna mikraksamsoataniko on•na kamko ka•enggipa centre ong•a ine nikna man•a.

Iakoba poraie nina man·gen: Jatrangni gisepo ong·gipa kajiako nirokna, ma·mongni Home minister, Manipur a·dokona re·baa