Shillong, Apr 10: Pekatgipa samrangko jakkale watna man•gija dongenggipa manderangko indin sanne banne on•na gita Meghalaya sorkari, Addict Treatment Facility (ATF)-ko New Shillong Township-ni Umsawli-o kulina tik ka•angaha.
Bristibar salo, Meghalaya a•dokni Social Welfare Minister Paul Lyngdoh-ni dilanichi Drug Reduction Elimination & Action Mission (DREAM)-ni tom•aniko ong•atangenba, drugs jakkale watna man•gija dongenggipa manderangna indin sanna bananirangko on•na gita ia ATF-ko kulina tik ka•angaha.
Ia tom•anio, a•dokni Director General of Police (DGP) Idashisha Nongrang, DREAM-ni Mission Director Francis G Kharshiing, Anti-Narcotic Task Force (ANTF)-ni SP, DHS, Shillong Civil Hospital-ni Medical Superintendent aro gipinrangba dongpae bak ra•angaha.
Tom•a matchotani ja•man kobor ra•timgipa manderang baksa agangrikengon, drug jakkalgipa manderang, jemangkon ramarangoniko aro songjinmani dingtang dingtang biaprangoniko rim•aha, uamang sanna bananirangko ra•na aro agan-ku•pattianirangko ra•na maming cholrang dongjani gimin iandakgipa manderangna indin sanna bananirangko on•na man•na gita sorkari, Addict Treatment Facility (ATF) minggipa centre-ko kulina tik ka•angaha ine Lyngdoh parakataha.
Lyngdoh-ni aganani gitade, ia ATF centre-o train ka•ako man•gimin psychiatrist-rang, palangrang, dongchakani kuturirang aro sam jakkalgipa manderangna agan-ku•pattie on•giparangba donggen.
Sam jakkalgipa manderangko namate songsalo bak ong•atpiltaina sorkari, ia ja•kuko de•enga ineba Minister aganaha.
Ia ATF-ko Umsawli-o COVID centre dakgipa biapo kulina miksongenga ine janapatengon, ia biapo nangdapanirangko department, nangani kri on•anggen ine Lyngdoh aganaha.
Salsa salgnini gisepon DREAM-ni mission director aro gipin official-rang, Umsawli-ona re•ange ia biapko niegen aro kamrang matchotahaon una report-ko on•egen ineba Social Welfare Minister aganaha.
Na·simang ia video-koba nina man·gen:
Na·simang iakoba poraina man·gen: Nongpoh-o sak 5 Bangladeshi-rangko tol·gipa aadhaar card-chi India-ni mande dakmikanina rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
