Resubelpara, Dec 13: North Garo Hills a•jani Resubelpara-o donggipa Mini Stadium-o A•we Festival 2024-ko Sukrobar saloni a•bachengataha.

Ia manianiko, North Garo Hills a•jao ja•rikenggipa jatni daka rikanirangko sakgipinrangna mesokskana miksonganio December 13 tarikoni a•bachengate 14 tarikona ong•atenga.
Ia tom•anio, Deputy Speaker ong•an baksana Resubelpara-ni MLA ong•enggipa Timothy D Shira mongsonggipa sokgipa ong•e bak ra•angaha aro ia manianiko ong•atenganina North Garo Hills a•jani District Administration-ko ua mitelpilskaaniko dakangaha. Ua mikkangchiba iandake dal•gipa manianiko ong•atna gita a•jani gipin MLA-rang baksa nangrime tangka paisarangni gita dakchakaniko on•anggen ineba ku•rachakangaha.

Indake gelna man•gijagipa a•selrangchi bilsi 4 mangna ia manianiko ong•atna gita man•jaha, indake ong•genchimoba ia bilsio changsatai a•jao songdongenggipa manderangna uamangni changa sapaniko, badingchiwalaniko ra•dona aro janggi tangani gadangko tang•doatna chol on•taina man•enga.

Mendipathar-ni MLA Marthon J Sangma-ba, ia program-ko ong•atna man•enganina kusi ong•aniko parakatan baksa, ia Winter Festival ba A•we Festival-ko ong•atenganiara, ian manianisan ong•aija indiba jatni dakbewal rikbewalrangko mesokani, tourism-ko tang•doatani, a•jatango jaktangchi tarigipa bosturangko ra•doan baksa uarangko pala sim•ani aro uandake janggi tangani gadangrangko tang•doatna cholko on•engani ong•a ine aganaha.

North Garo Hills a•jani Deputy Commissioner AK Singh, ia maniani, jatni cha•rongbewalni cha•ani, dok dam•ani, sika ko•ani aro jatni kal•susaanirangko bak ra•na man•anichi, jatni daka rikanirango nangrimna ba cha•tote nina chol on•aniba ong•enga, ia manianiko dingtang dingtang a•jarango dingtang dingtang miksonganirangchi ong•atenga aro ia a•jao A•we Festival-ko ong•atengani miksonganiara A•chik jatrangko, sakgipinrangko mande ra•na sapanina aro cha•ani, doka dam•a git ring•ani aro chrokmesana namnikbeanina niksenganiko mesokani ong•a ine aganaha.

Una agreba, be•en ning•o saenggipa biatirangko porikka ka•e niani ostro Health ATM-ko mongsonggipa sokgipa, ia tom•anio a•bachengate on•angjolaha.
Unbaksana, jatni kal•rongbaenggipa kal•susaanirangkoba ia manianio kal•angaha.

Na·simang ia video-koba nina man·gen: 

Na·simang iakoba poraina man·gen: Baghmara-o District School Level Chess Championship Tournament-ko ong•atanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub