Resubelpara, Feb 17: February 17 tarikoni a•bachenge February 21 tarikona Inter State Youth Exchange Program-ko North Garo Hills a•jao ong•atenga aro ia program-ko Sombar salo, Mendipathar-ni Multi Purpose Hall-o a•bachengataha.
Ia program-ko a•bachengatanio, North Garo Hills a•jani Additional Deputy Commissioner (ADC) TR Marak, mongsonggipa sokgipa ong•e jinmana aganprakangengon, jatni daka rikanirango, ku•sikrangko skie ra•anio, an•tangtangni u•i-ma•sianirango, songsalni namroro silroroanio aro bading chiwalanirango an•tangtangni ma•sianirangko sualgrikanichi a•songni gisepo ku•mong nangrimaniko ra•bachina agan-ku•pattianirangko on•angaha.
Ia program-ni miksonganirangko chu•sokgipa ong•atna gita chadamberangni gisepo, dingtang dingtang jatrangni gisepo aro bading chiwalgiparangni gisepo agan-golpogrikanirangko ong•atna nangengani giminba Marak janapangaha.
Ia program-ko ong•atanio, Williamnagar Nehru Yuva Kendra-ni Deputy Director LBK Sangma-ba dongpae jinmana aganprakangengon, ia program-ko East Garo Hills a•jani Nehru Yuva Kendra, India sorkarini Youth Affairs & Sports Ministry-ni ning•o, Meghalaya aro Tripura a•dokni gisepo jatni daka rikanirangko skie ra•grikna aro mesokna ong•atenga ine parakataha.
Ia program-ko India a•songni gipin dam 60 a•dokrangoba, ia apsan miksonganion ong•atenga.
Ia Youth Exchang Program-ko a•bachengatanio dongpae bak ra•anggipa gipin manderangara, North Garo Hills a•jani DSP JCA Sangma, MMCS-ni Secretary Sister Rose Kayathinkara, Tripura-ni Escorting Officer Liton Shil aro gipinrang ong•a.
Na·simang ia video-koba nina man·gen:
Na·simang iakoba poraina man·gen: Mikkang bilsini Assembly election-na Assam CM kensoenga: Gaurav Gogoi
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
