Resubelpara, Dec 4: Budbar salo, Meghalaya State Food Commission, North Garo Hills a•jani Deputy Commissioner (Supply) office baksa nangrime, National Food Security Act 2013-ni bidingo skanggipa Regional Camp-ko Mendipathar Multipurpose Cooperative Society Hall-o ong•atangaha aro ia program-ko ong•atanio, Meghalaya Assembly-ni Deputy Speaker Timothy D Shira, mongsonggipa sokgipa ong•e bak ra•angaha. Ia program-ko ong•atanio, Mendipathar-ni MLA Marthon J Sangma, Kharkutta MLA Rupert Momin, Meghalaya State Food Commission-ni Chairman PS Thangkhiew, Commission-ni Member Secretary DM Suja, Commission-ni Member Dr Greenaline K Marak aro gipin official-rangba bak ra•angtokaha.

Ia tom•anio mongsonggipa ong•e sokgipa, Meghalaya Assembly-ni Deputy Speaker Timothy D. Shira jinmana aganprakengon, ia camp-ko ong•atani miksonganiara, Public Distribution System-ni ning•o on•enggipa scheme-rangni gimin, NFSA-ni ning•o man•gni bilrang aro uarangko maikai jakkalgen uarangni gimin aro Food Security Act, 2013-ko chu•sokatgni cholrangni bidingo scheme-ni namgniko man•enggipa manderangna u•iataniko on•a miksonganio ong•ataha ine aganaha.

Una agreba, Midday Meal Scheme, ICDS aro PDS-ni gita NFSA-ni on•enggipa scheme-rangni bidingo aganengon, ia scheme-ko man•a kragipa nokdangrangni beneficiary-rangko nioke uamangna man•gnirangko on•anio chu•sokatchinaba ua didiataha.

Ia program-ko ong•atanio dingtang dingtang manderangba, NFSA 2013-ni bidingo jinmana agan-talatanirangko on•angengon, ian a•songni manderangna, mongsongbate NFSA-ni ning•o namgnirangko man•enggipa manderangna ma•manti cha•ani bosturang, jekai merong aro uandakgipa bosturangko subsidy rate-o on•na ra•gatgimin niam ong•a ine parakangaha.

NFSA 2013 ning•o minggni scheme-rang, chong•motan Antyodaya Anna Yojana (AAY) aro Priority Household (PHH) scheme donga ine talataniko on•angengon, ian be•enni gita cholgri ong•gipa manderangna, segri me•chikrangna, bi•ame cha•giparangna aro cholgri ong•gipa nokdangrangna sorkarini ra•gatgimin scheme-rang ong•a ine official-rang parakataha.

Ia scheme-rangko 2028 bilsini December jaona kingking man•gen ineba official-rang talataniko on•angaha.

Una agreba, NFSA 2013-ni ning•o Aadhar Seeding, Grievances Redressal Mechanism aro uandakgipa kamrangni giminba ia program-o official-rang agan-talatanirangko on•angaha.

Na·simang ia video-koba nina man·gen: 

Na·simang iakoba poraina man·gen: MHRC, Judicial Member-ni dangdike on•ani bilsiko baridapata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub