Nongpoh, Apr 10: National Highway (NH-06) rama gita re•ruraenggipa garirangko Nongpoh Police Traffic Branch-ni police-rang, walni somoio nirikkianirangko dakenba, Motor Vehicle Act-ni ning•o on•gimin niamrangko pe•anina baditaba kontarangni gisepon gong lak 2.99 tangkarangko dai dake gile man•aha.
Nongpoh Traffic Branch-ni Officer-in-Charge Rubul Ali-ni parakatani gitade, ramarango skatang garirangko salenganichi bang•en a•sel ong•anirangko aro manderangni sianirangko nikna man•engani gimin iandake a•sel ong•anirangko komiatna police-rang, walni somoirango re•ruraenggipa garirangko nirikkienga aro manderangna mikrakatanirangkoba on•enga.
Police-rangni nirok sandianirangko dakanio bang•a garirangan nangchongmotgipa lekka gri salruraaniko, mitamranga churing chupeke gari salaniko, seatbelt-rang gangija gari salaniko aro helmet gangija bike ba scooty salanirangko rim•na man•aha ineba Ali aganaha.
Ramarango nangana bate bosturangko salanichi ramako jakkalenggipa gipin manderangna kenchakna nanganirang ong•engani gimin police-rang, Motor Vehicle Act-ni Section 113-o pangchake, nangana bate bostu salgipa garirangkoba rim•aha ine OC aganaha.
Gari gora jakkalenggipa pilak manderangkon dongimin niamrangko ja•rikchina aro ramarango a•sel ong•anirangko champengna man•na gita simsake gari gorarangko salchina gitaba police-rang didiataha.
NH-06 ramao manderang simsake gari gorarangko salchina gita mikkangchiba Nongpoh Police-ni Traffic Branch, nirok sandianirangko dakangkugen ineba Ali u•iataha.
Na·simang ia video-koba nina man·gen:
Na·simang iakoba poraina man·gen: Pekgipa bosturangko badingsrukgipako Arunachal Peadesho rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
