Boko, Dec 30: Boko Police Station-ni ning•o ga•akgipa Agchiya songni ramao chong•motan, National Highway 17 ramao gari a•sel ong•e saksa me•chikma siaha aro sakgipin bilongbee saknaatako man•aha.
Ua jolo songdonggipa manderangni aganani gitade, mande salruragipa ‘Nagraj’ minggipa bus jeni gari number-an AS 18C 9913 ong•a, scooty gari number AS 25M 7594 baksa chatinggrikaha jeni a•selan, scooty-o gadotimgipa me•chikma Sunita Rabha, a•sel ong•gipa a•damon siaha aro scooty-ko salgipa Krishna Rabha, bilongbee saknaatako man•aha.
Ia a•selni bidingo, ua jolni manderang Boko Police-na kobor-ko u•iataha aro Police dol re•baenba sigimin me•chikmani manggisiko ra•angaha aro sakgipin saknaa man•gipa me•chikko Boko Primary Hospital-ona watatahaon, uni saknaanirang bilongahani gimin nambata sanna bannaniko on•a gita GMCH-ona watatskaaha.
Police-rangni aganani gita ia me•chikma sakgnian Khatolpara songoni ong•a ine u•ina man•a.
Indake, ua jol donggipa manderangni aganani gita, ia bus ta•rakprete re•baaha aro jakrachipak dongsoenggipa scooty-ko su•gakeaha.
Iani gisepon manderangni gisiko ding•chaoni nakataha aro chonchongipa garirangoniko helmet ganjani gimin ba gipin chona rema kamrangna fine ra•ana bate iandake salgipa bus, dumper aro gipin jrea bosturang salgipa garirangni kosako maiba ja•kurangko de•na nanga maina bang•bata somoion uamang mamingkoba dakgija nie dongenga ine administration, transport department aro police-rangni kosako matnangataha.
Na·simang ia video-koba nina man·gen:
Na·simang iakoba poraina man·gen: Assam forest department, mande aro matburingni gisepo tom•tomaniko ra•bana community programko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
