Ampati, April 8: National Human Rights Commission ni member Priyank Kanoongo South West Garo Hillsni Gandhiparao donggipa Chenga Menga Mandir nokona, Ashoka ashtamiko maniani sal April 7 tariko sokbaaha. Meghalaya Indigenious Minority Tribal Forum (MIMTF) uamangni nangnikanirangko janapenba ge·sa memorandumkoba una on·aha. Uamangna nangenggipa reservation policy, Assembly Constituencyrangko on·ani, Durga pujarangko manianio jakgitelko man·paani, Baghmarao sigimin mandeko so·chakna biap griani, South West Khasi Hills aro East Khasi Hills a·jao ong·enggipa obostarangni gimin, parmanent residential certificaterangko tariani aro dingtangmancha regional councilko dake on·ani giminba uamangni seatgipa memorandumo janapaha. Da·skario jinma til·ekdrae a·sel ong·gipakoba sandie kam ka·taianikoba uamang janaptaiaha.
Priyank Kanoongo baksana Garobadhani ADC Samuel Sangma aro Koch Sokatharay iamang dongpaaha.
Ia maniani Meghalaya a·doko tom·tome matchotaha indiba South Salmara Mankachar districtoni Basudev Hajong Teporpara melaona re·angmitingo Assam a·doko dokako man·aha.
Kanoongo baksana SP Vikash Kumar IPS, District social Welfare Officer Zanera R Marak, Social Welfare Officer Tanweera M Sangma, District Child Protection Officer, Harkumar Koch Retired IES Officer aro Daluni MDC Pramod Koch ia tom·ao dongpaaha.
Ia manianiko April 4 tarikoni 7 tarikona salbrina joljol ong·ataha jeon hajalgni hajal Hindu bebe ra·giparang bak ra·paaha. Priyank Kanoong tom·tomao janggi tangchina, ku·mong nangrimako bilaktgijan manderangko didiangaha.
Na·simang ia video-koba nina man·gen:
Na·simang iakoba poraina man·gen: Mongolia-oni na·tok cha·e tanggipa do·gamdot Kaziranga-ona sokbaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
