Shillong, July 11: Meghalaya High Court-ni ge•etaniko man•ahani gimin a•dokni dingtang dingtang biaprango niam gri chalaienggipa coke plant ba koela so•gipa karkana damgittamko a•dok sorkari pe•e galaha.
Forest & Environment Department-ni Joint Secretary-oni u•iatani gitade, a•doko niam gri chalaienggipa karkanarangko sorkari, 2022 bilsini December jaonin chipatna gita a•bachengaha aro ia bilsini April jaona kingkingan niam gri chalaienggipa mitam karkanarangko chipattokna man•aha.
Indake ong•engon, High Court-ni ge•etaniko man•taiani ja•man re•anggipa July 8 tarikoni July 10 tarikona koela so•gipa damgittam karkanarangko sorkari pe•e galna gita man•aha aro bangki dongkuenggipa karkanarangkoba da•o July 20 tarikni gisepon chu•gimik pe•e galna miksongenga.
Niam gri karkana chalaienggipa adita sak manderangkoba sorkari rim•na man•aha ine sorkari official parakataha.
Iakoba poraie nina man·gen: M’laya-o bijoliko bariatna gita sorkari, NTPC baksa MoU-o soi ka·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
