Shillong, Jan 28: Meghalaya a•dokni dingtang dingtang koela a•damrango niam gri koelarangko bikote salenga ine matnanganirangko man•engani gimin niam gri koela bikotani aro salruraaniko champengna aerial survey ba drone-rangko wate am•sandianirangko dakna tik ka•angaha ine Meghalaya High Court-ni songe on•gipa inquiry committee-ni Justice (Retd) BP Katakey parakataha.
Ia aerial survey-ko dakna gita private agency-ko tik ka•manaha aro ia agency-ni report-rangko February 28 tarikni gisepo man•na ka•dongenga ineba Justice Katakey aganaha.
Committee-ni tom•aniko ong•atani ja•man kobor ra•timgipa manderang baksa agangrikengon, a•doko niam gri koelarangko bikotenga ine matnanganirangko am•sandina gita Meghalaya Basin Development Agency (MBDA)-chi aerial survey-ko a•bachengataha aro report-ko map baksa February 28 tarikni gisepon on•china ia private agency-na ge•etaniko on•ataha ine Justice Katakey parakataha.
South West Khasi Hills a•jani damdok biaprangko aerial survey dakna gita MBDA-na ge•etaniko on•manaha ine janapatengon, kulie donenggipa koela a•damrangko sandina aro koela donggipa biaprangko ma•sina ia aerial survey-ko dakatenga ine Justice Katakey parakataha.
Justice Katakey-ni aganani gitade, mitam mining plan-rangko 1957 Act-ni ning•o ra•chakahaoba da•o dipet a•doko niam gita koela bikotaniko a•bachengna man•kujaenga.
2014 bilsionin Meghalaya a•doko niam gri koela bikotaniko Supreme Court aro National Green Tribunal (NGT) champengatahaoba a•dokni dingtang dingtang biaprango niam gri koelarangko bikote salengkua ine matnanganirangko aro badi ka•anirangko man•soengani gimin iandake niam gri koela bikotaniko aro salruraaniko champengna Justice (Retd) Katakey committee, kamrangko ka•enga.
Na·simang ia video-koba nina man·gen:
Na·simang iakoba poraina man·gen: Umroi Airport-ko apaldapatna ru•utgijan tender galna sorkari okamgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
