Tura, July 13: Meghalaya a·dokni dingtang dingtang biaprango niam gri koelarangko bikotengani a·selsa West Khasi Hills aro East Khasi Hills a·jarango niam gri koela so·ani karkanarangko chalaianirangba batroroenga ine Budbar salo, Meghalaya High Court-ni songe on·gipa National Green Tribunal (NGT)-ni judge, Justice BP Katakey, Garo Hills-o niam gri koela bikotanirangko mikrontangchi nie ra·na gita re·baani somoio, kobor ra·timgiparangna parakataha.

Drone-rangko jakkale koela a·damrangko nirikkianichi ia jolrango niam gri koela bikotanirangko champengna man·gen ineba ua aganaha.

South Garo Hills a·jani Nongalbibra jolrango donggipa koela a·damrango da·oba niam gri koelarangko bikotengkua ine changni chang dingtang dingtang manderangni badi ka·anirangko man·ahani gimin Justice Katakey, an·tangan ia koela a·damrango ong·enga obostarangko mikrontangchi nie ra·na gita Budbar salo, South Garo Hills a·jaona re·baahachim.

Koelarangko niam gri bikotengani a·selan West Khasi Hills aro East Khasi Hills a·jarango koela so·ani karkanarangko niam gri chalaianiba batroroenga ine talataniko on·angengon, uni somoion niam gri chalaienggipa dam 50 karkanarangkode NGT chipe donatna gita man·ahachim ine Katakey parakataha.

Katakey-ni parakatani gitade, ia coke karkanarangoni mitamde sorkarini permission-rangko man·e chalaiengachim indiba bang·batan permission grisa chalaitokengachim aro uamangoni bang·batan pollution control board-ni permit-rangkoba ra·chenggijasa chalaiengachim.

Sorkarina maming man·pilskaani gri bang·bea koelarangko Bangladesh a·songona watataha ine janapatengon, iandake niam koela badinganiko champengna gita sorkari maming ja·kurangko de·jaengani gimin ua iani bidingo sandirokchina gita ge·etaniko on·aha ine NGT-ni judge parakataha.

Iakoba poraie nina man·gen: 2024 bilsini Lok Sabha election-o Vincent Pala susagen

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub