Guwahati, July 27: Chandubi Lake ba chibol ian, Meghalaya aro Assam a•dokrangni sima arini gisepo, Guwahati-oni 40 km mangni gita chelao donggipa Garo Hills a•jani a•bri ja•reko dongachim. Ia chibol, 1897 bilsio dal•begipa banggriani ong•ani a•selo ong•katgipa chibol ong•a, jean da•alo tourist-rangni namnikbatgipa biapba ong•skaaha. Indake ong•genchimoba, niamgri ro•ong bikotenganichi aro buring bolgrimrangni gimaroroenganichi, ia chibolna kenchakani ong•skaengaha.
Gital sandirikite man•ani gitade, Chandubi chibolni samba ketchijolrango donggipa buringrang, manderangni dongani jelbaroroani niamgri a•a sekdrae ra•enganichi aro niamgri ka•enggipa kamrangni a•sel 90% mangni gita gimaroroangengaha aro na•tok jelanirangba komiangroroengaha ine nikna man•a.
Iandake komiroroenganichi, na•tokni rokkomrang jekai, Kulsi Chibimaoni dobagipa Nandhani aro Phutkiputhi na•tok aro unbaksana, Gangetic Dolphin na•tokrangni gimaagnina kenchaksoani ong•skaengaha.
Ia chibolni chi, 2000-2016 bilsirangni gisepo, 79.57% mangni gita tipangahachim, aro rika cho•ani kamrang 12.69% oni 50.40% mangni gita apsan bilsion tang•doskaaha.
Chandubi sepangjolo donggipa aro Adivasi Students dolrang, niamgri ro•ong bikotengani a•sel ong•telaigipa gamrangna kenchakani ong•ani gimin ku•rang on•angaha aro iandakgipa kamrangko ka•engoba Forest Department-ni gita nigale namrenganiko Kamrup District Commissioner-na memorandum-ko on•angaha.
Uamangni memorandum-o, Chandubi sepangjolo donggipa song Muduki-oniko 2024 bilsini May ja tong•saoni ia ro•ong bikotaniko dakna a•bachengahachim, jeon uamang, dal•dalgipa machine-rangko, a•a cho•gipa garirangko aro dumper-rangko jakkalaha ine janapataha.
Indake, niamgri ro•ong bikotenganiko kobor man•soa bakan Assam-ni Forest Minister Chandramohan Patwary, Chandubi sepangjolrango iandakgipa kamrangko ka•aenganiko dontongatchina Divisional Forest Officer-na ge•etaniko on•ataha.
Iani bidingo, Principal Chief Conservator of Forest (PCCF) sandianiko dakangaha aro ro•ong bikotanio jakkalenggipa bosturangko Meghalaya a•dokona apjitatskaaha aro ia niamgri ro•ong bikotenganikoba DFO dondikataha ine Rajapara Anchalik Janajatiya Yuba Sangha-ni President Pakhiraj Rabha parakataha.
Na·simang ia video-koba nina man·gen:
Na·simang iakoba poraina man·gen: U•iata gri School Managing Committee-ko songanina Phulbari-ni gitcham MLA matnangata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
