Guwahati, August 5: Brahmaputra chibimani chirang ditdobaroroani a•sel kat•branggipa mongma bipa, Chandrapur Beat-oni re•brangbaenba, Ramsing Chapori gita re•ange Kamakhya-ni diltubegipa buringona sokangaha.
July jani 20 tariko ia mongmako Chandrapur-o nikchengaha. Chi ta•rake man•pakangani a•sel ia mongma Chapori jolona sokangenba banggija salrangna uno ma•chakeaha. Indake, July jani 24 tariko, ia mongma Nilachal Hills-ni buringo gimaangahachim. Range Officer Pranjal Baruah-ni dilanio, forest personnel-rang buringni pilak biaprangnikon salgnina ia mongmako am•sandianiko dakataha.
Ia mongmako, July jani 26 tariko, Kamakhya-ni Bongsi Bagan-o songdongenggipa manderangko to•tro ong•atosa nikpiltaina gita man•aha. Indake buringchi napangpilna skang ia mongma adita nosto ka•anirangko dakangaha. Dingtang dingtang forest range-rangni nangrimgimin dolrang, police aro district administration, ta•raken ua biapona sokangenba, janggi gnanggipa matburing aro manderangna naljokaniko on•a gita mongmani re•a doaniko nichokianirangko dakangaha.
Ia naljokatani kamo bang•a neng•nikanirangko chagrongna gita nangaha. July jani 27, 29 aro 31 tariko, ia mongmako tom•tomatna jotton ka•anio ga•nanggija a•bri a•kong dakgipa biaprang aro ramarang namjani a•sel chu•sokna gita man•jahachim. Ia pilak neng•nikanirangko chagrongna nanggenchim ong•oba, naljokatgipa dolrang Kalipur jolo ia mongmako rim•na gita man•aha. Kunki elephants ba skia man•gimin mongmarang aro special anti-depredation dolrang baksana gisiko nanggipa dolrang, sepang jolo donggipa songrango mongmani re•rame roaniko champengna gita dondikpilgija kamrangko ka•angaha.
Assam State Zoo-ni Dr. Pranab Das-ni dilanio, konta 10-na dondikgija jotton ka•ani jamano, Nilachal Vidyapeeth sambao ia mongmako tom•tomatani samko su•na gita chol man•aha. Pring seng•ahaon, ia mongmako rim•angenba Rani Reserve Forest-ona watataha.
Manggni Kunki mongmarang ba skia man•gipa manggni mongmarang aro dolsa special anti-depredation dol baksana Assistant Conservator of Forest (ACF) Puspadhar Buragohain, ACF Manuranjan Barman, Range Officer Pranjal Baruah Fatasil, Beat Officer Mukut Malakar, Khanamukh Beat Officer Jintu Talukdar, Forester-1 Hitesh Kumar Das (Deepor Beel), Guwahati-ni salgipeng aro Amchang Wildlife Range, Wildlife Rescuer Shyamanta Ram Phookan, Kamrup Division-ni divisional Forest Officer Rohini Ballave Saikia-ni dilanio aro Kaushik Barua-ni dilanio, IUCN Asian Elephant Specialist Group-ni member and Assam Elephant Foundation-ko bikotdilgiparangba iano bakrime kamrangko ka•angaha.
“Ia rescue operation-ko dakatmiting somoio blongbee saknaanirangko man•jaha,” ine Baruah u•iataha.
Na·simang ia video-koba nina man·gen:
Na·simang iakoba poraina man·gen: Me•asarangni brigipa aro me•chikrangni gnigipa Mahari robol kal•susaaniko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
