Aizawl, Feb 26: Dr. Vinod K. Paul-ni dilanichi NITI Aayog-ni adita member-rang Zoram Medical College and Hospital (ZMCH)-ona re•ange nirokaniko dakangaha. Ia tom•anio, Mizoram-ni Health Minister Lalrinpuii aro Health Department-ni Secretary Sangchhin Chinzah-ni dongpaanio, institution-ni chagrongenggipa neng•nikanirang aro mikkangchi namroro silroroatani bidingo chanchirimaniko dakangaha.
Ia tom•anio Dr. Zohmingthanga, ia ZMCH-ko 2018 bilsini August 7 tariko a•bachengataoni bilsiantian sak 100 chatro chatrirangko rakkienga jeon, 70% a•dokni bi•sarangna a•kanggipa seat-rang ong•a, 15% seat-rang All India quota aro 15% NRI chatro chatrirangna seat-rangko on•a tik ka•aha ine aganaha. Una agreba, hospital-o ge 420 palangrang gnang jekon ge 50 palangrangko ra•dapna mangsongenga, ge 24 ICU palangrang, ge 9 operation theatre, paying cabins chong•motan, tangka game jakkalna man•gipa ge 10 kutturirang gnang jekon ge 14-ona bariatna mangsongenga aro unbaksana May jani gisepo neurosurgeon-koba rakkina miksongengaha ine talate on•angaha.
Iarangna agreba, PMJAY (Golden Card beneficiaries) Scheme-oniko gong lakh 50-koba jaanti man•enga aro NITI Aayog-ni dakchakanichi 2025-26 academic year-ni course-na MS aro MD postgraduate course-rangnaba dorgasto galataha ineba ua janapataha.
Dr. Vinod K. Paul, Mizoram a•doko HIV sabisiko man•giparangko sandina nangchongmotengani gimin janapatan baksa, Ministry of Health and Family Welfare-ni gita TB, Malaria, Leprosy aro Measles sabisirangko bon•atna miksonganio campaign-ko a•bachengatanikoba talate on•angjolaha.
Unbaksana, sub-centre aro health and wellness center-rangkoba mangrakbatatna nangchongmotengani gimin aganengon, a•doko atchigital bakgitchakrangni siangengani 3% mangsan ong•engani gimin ua a•dokni health department-ko de•mitele aganaha.
Na·simang ia video-koba nina man·gen:
Na·simang iakoba poraina man·gen: Loompyrdi Iongpiah Upper Primary School-ni bilsi 25 gapaniko ga•subee manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
