Guwahati, Dec 18: Naga National Council (NNC) dolni sak 3 manderangko, chelchaksogipa dolrang, Manipur aro Assam a•dokrangni sima ari-o donggipa Kroulong aro Namdailong songoniko rim•aha.
Ia rim•a man•gipa manderangara, Pouning Rongmai, Ditiuoayang Rongmai aro Namiaorei Gangmei ong•achim.
Kobor ra•timgiparangni aganani gita de, koborko man•soa bakan, Cachar police dol baksa Assam Rifles-ni sak 39 sipairang am•sandianiko dakna a•bachengaha aro sak 3 manderangko rim•na man•aha.
Cachar-ni SP, Numal Mahatta, kobor ra•timgiparang baksa agangrikengon, ia bobil dolni manderang sakgipinchiko drae tangka ra•seke ra•giparang ong•a aro unbaksana, NNC dolni gitcham dilgipa, jeni manggisikon December 12 tariko Namdailong songoniko man•ahachim, uko so•otanioba bak dongpana nanga ine chanchipenga inenba aganaha.
Unbaksana, uamangko sing•aniko dakon, Naga National Council (NNC) dolni Zeliangrong a•jani area commander-rang ong•achim ine u•ina gita man•aha. Indake, uamangko Jirighat Police Station-ni ning•o, Case No 36/23 U/S 302 IPC R/W 27 Arms Act-o pangchake patoko chipataha ine ua agandapataha.
Iakoba poraie nina man·gen: Christmas salo, Janajati Suraksha Mancha dolni re•jomaaniko dakna gita tik ka•giminko, TSF jegala
Watch
