Tura, June 19: South Garo Hills a·jani ning·ogipa Nongalbibra songni St. Francis De Sales School-o poraigipa mitam chatrorangko saksa skigipani rakgipa sastiko on·ani mamlako adita salna skang mitam manderangni dingtang dingtang social media-rango watpipraatani ja·man aro news channel aro gipin koborrango parakatani ja·man manderangni jegalattokaniko man·anina School-ni Managing committee, iani bidingo talataniko dakenba mamlako namgrikate donangaha ine Sombar salo talataniko on·angaha.

Ia mamlani bidingo Managing committee-ni koborna seachi janapatgipao, school-ni kosako matnanganirangko man·ani ja·man School-ni Principal baksana School Managing Committee-ni apsan salo gong·raken sandiataniko dakatanio, ia pilak obostara ua somoio skigipani test paper-ko classroom-o niengmiting somoio mitam chatrorang mainiba a·sel kajia nanggrikanichi iandakgipa obostaona sokanganiko ma·sina man·aha ine parakataha.

Skigipa dongani gisepon chatrorangni kajia ong·tokani gimin uamangko pulpitona okamahaon sakgnide re·batokaha indiba saksade chakchike dongaiahachim, iani a·selsa classroom ning·o ja·rikna nanggipa bewalrangko chatro-chatrirangna ma·siate on·na gita katta manigijagipa chatrorangni kosako sason ka·bewal gita dakna draatako man·aha ineba Managing committee janapataha.

Indake ong·engon, chatroni ma·a-paako okamate iani bidingo talataniko dake mikkangchi apsandakgipa obosta ong·taijana gita ka·dongataniko on·angan baksa ia mamlako dolgni namgrikate donangaha aro sasti on·gipa skigipakoba kamoniko ra·galaha ine School-ni Managing committee seahi janapatjolaha.

Iakoba poraie nina man·gen: SWGH-o bike bolgni chatinggrike a•sel ong•anio saksa sia

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub