Tura, Jun 17: Robibar walo mikkarang jimbee waangani ja•man, South Garo Hills a•jani Siju jolo donggipa Darang Boldak songo, Nongalbibra-oni Baghmara-ona dakanggipa ramako chi pe•angaha.
Ia songni ramako chi pe•angahani a•sel Williamnagar-oni Nongalbibra gita Baghmara-ona aro Baghmara-oni Siju gita Nongalbibra-ona songre-songgabatna nangenggipa manderang neng•nikanirangko man•na nangengaha.
Ia chi pe•anggipa rama gita da•o Sumo, Bolero aro uandakgipa dal•dalgipa garirangsan re•na man•aiengaha indiba chonchongipa garirangde re•na man•tokjaengaha.
Ia songona dakanggipa dilgipin ramaba nosto ong•atako man•ahani a•sel manderang re•ruraanirango neng•nikanirangko chagrongna nangtokengaha.
Robibar walo mikkarang jimbee waangani ja•man, Siju bazaar-oni on•tisa batange Darang Boldak songo donggipa ramako chi pe•angaha aro iani a•sel da•o Nongalbibra-oni Baghmara-ona re•rurana nangenggipa manderang neng•nikanirangko chagrongna nangtokengahachim.
2022 bilsini May jaoba mikkarang jimbee waangani ja•man ia jolrango apsan daken ramarangkoa aro manderangni dongchakgipa nokrangko chi man•angahachim aro unbaksana a•bri totgimik rurongani a•sel ua somoio adita sak manderangba sina nangahachim.
Ua somoionin ia jolrango rama jal•langrangko ka•sinsin tarina a•bachengahachim indiba da•o mikkarang waangani ja•man, rama jal•langrangko chi pe•angtaiaha.
Ia jolrango buringarigipa a•brirangko gue ge•na o•roktokahani a•selba ia a•brirang rurongtokengahachim.
“Chi pe•anggipa ramani bakara Darang Boldal songo ong•a aro ian Nongalbibra police station-oni kilometer 15-mang donga. Ian songona dakanggipa ramaba ong•a indiba da•o Simsang chibima dal•bae ia songo chi banengahani gimin ia songona re•angna namen neng•ani ong•engaha. Mikkarang namkalangahaosa ia songona re•angna man•aignok,” ine South Garo Hills a•jani SP Shailendra Bamaniya parakataha.
Garo Hills-ni pilak biaprangon da•o mikkarang waengahani gimin West Garo Hills a•jani a•kawe jolo donggipa Rajabala-Phulbari-Tikrikilla jolrangoba Jinjiram aro Brahmaputra chibimarang dal•bae chirang banna a•bachengengaha ine koborko man•soaha.
Na·simang ia video-koba nina man·gen:
Na·simang iakoba poraina man·gen: Manipur-o Myanmar-oni katnapgipa manderang batroroenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
