Nongpoh, January 27: Sombar salo, Nongpoh Circle-ni Federation of Khasi Jaintia and Garo People (FKJGP) dolni member-rang, President P Khymdeit-ni dilanio, District School and Education Officer (DSEO) aro Ri-Bhoi a•jani School Education and Literacy-ni Joint Director Ruby Z Das-ko grongenba matnangani lekkako on•eaha.
A•jani mittam skulrango transfer certificate-rang ba gipin skulrangona napna sikgipa chatro chatrirangna personal students number-rangko on•jaenga inenba FKJGP-ni matnange seatgipa lekkao janapataha.
Khymdeit, bang•bata chatro chatrirangni ma•a parangan nambata skulrangona ra•angna jotton ka•anio neng•nikanirangko chagrongna nangani gimin matnanganirangko dakataha, inenba P Khymdeit kobor ra•timgiparangna u•iatan baksana, iani a•sel bang•bata chatro chatrirangan uamangni pora bidaniko dakangkuna man•ja baksana uamangni mikkangchi janggi tanganiko nosto ong•ataona sokata ine ua agandapangkuaha.
Iarangni a•selan bang•a chatro chatrirangba poraianiko dontongaona sokna donga aro Ri-Bhoi a•jao literacy rate-ko nangchakeatnaba donga ine FKJGP dolrang jajrenganiko parakatan baksana, uamang DSEO-ko iani bidingo ta•rake ja•ku de•aniko dakchina gitaba didiataha.
DSEO, iani bidingo nirokataniko dakatgen ine u•itan baksana, chatro chatrirangna dakchakaniko on•a gita ta•raken ja•ku de•anirangkoba dakanggen, inenba ua FKJGP dolrangna ka•dongataniko on•angaha.
Na·simang ia video-koba nina man·gen:
Na·simang iakoba poraina man·gen: Greater Tura Urban Water Supply Scheme-na CM, pangchakaniko songe on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
