Shillong, April 10: Ri-Bhoi-ni police dolrang, India a·songona niamgri napsrukbae, tol·gipa aadhaar card-rangko jakkale India-ni mande ine tol·mikanina sak 5 Bangladeshi manderang chong·motan, bilsi 31 ong·gipa Sahin Akhtar, bilsi 42 ong·gipa Mozibor Rahman, bilsi 26 ong·gipa Prasanto Das, bilsi 27 ong·gipa Suma Akhtar aro bilsi 32 ong·gipa Mamadur Rahman-ko rim·aha. AS01SC-4410 registration number donggipa gario uamangni songrebamiting somoio, Shillong-Guwahati ramao Mawtnum-ni Petrol Pump sambao donggipa NH-6-o dakrongbewal gita police-rangni gari dondikate nianiko dakmiting somoio uamangko rim·aha.
Am·sandianiko dakmitingo, uamangoni sak 2 Bengaluru-ni Bommasandra-o dongenggipa Khaer Khan-ni depante Sahin Khan aro Bengaluru-o dongenggipa Ashok Puram-ni depante Rony Khan ong·a ine lekka pancharangko mesokaha. Uamangni aadhaar card-rangko UIDAI database-oniko sandie nion bimungrang chong·mot ong·ja ine nikna gita man·enba tol·gipa lekka pancharangko uamang jakkalenga ine u·ina gita man·aha. Iani gisepon, gipin dongpagiparangde maming lekka pancharangkoba mesokna gita man·skajaha. Adita sing·anirangko dakon uamang sak 5-an, India a·songona Shella-ni Cheragaon gita uamangko napna dakchakgipa Hussain, jekon Tunu Miah ineba u·itokachim, una sakprako 16,000 ka·e tangka gamenba niamgri napbagipa Bangladeshi manderang ong·a ine ku·rachakaha.
India-ni sima ari jolchipak uamangko napbana dakchakgipa mandeni garioni ra·one donanga jaman gari bolsa re·baenba uamangko saleskaaha. Uamangni aganani gitade, darang manderangni gadoram ba ong·onram biap ong·gija Upper Shillong jolona uamangko salangani kride haida ian police dolrangoni jokna miksonge dakahakon ine chanchichipenga. Uamang ianoni bon·kame Tamil Nadu aro Gujarat-ona re·angna miksongengachim. Police dolrangni chanchiani gitade, India a·songona Bangladeshi manderangko sriksrik napbana dakchakaniko on·a dal·bea miksongani dongakon jeon bang·a gari salgipa driver-rang aro Bangladeshi middleman-ba napna dakchakgipaba bak dongpaa.
Na·simang ia video-koba nina man·gen:
Na·simang iakoba poraina man·gen: Dibrugarh pattokoniko Punjabona Papalpreet Singhko sing·sandiani kamna rimanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
