Nongpoh, Dec 11: Umden aro uni sepangjolo donggipa manderangni ru•uta bilsirangna rama namako senge dongenggipa, Umden-ni Nongpoh-Umden-Sonapur (NUS) ramako tarina gita mongolbar salo, Deputy Chief Minister, Prestone Tynsong-ni jakchi pangchakani ro•ongko songe on•angaha. Ia pangchakaniko songanio, Nongpoh-ni MLA Mayrol Born Syiem, Umsning-ni MLA Dr. Celestine Lyngdoh, Nongpoh-ni MDC Balajied Rani baksana Public Works Department-ni a•gipibatgipa official-rang baksana jolo donggipa dilgiparang dongpae bak ra•angpaaha.

Ru•utbea bilsirangna senge dongenggipa, Nongpoh-Umden-Sonapur rama-ko tarina a•bachengataha aro ia a•bachengataniara ua jolo songdonggipa manderangna ka•donganiko ra•baa gita ong•aha, maina wachi karini somoio ramarang namjani a•sel uamang neng•nikanirangko man•rongachim. Skanggipa phase-o Nongpoh-oni Umden-ona km 20-ni gita tarianio, State’s Road Development Plan-ni ning•o tangka gong crore 49.53-ni gita chu•gimik korosrang ong•anggen. Ia ramako tariani 2-gipa phase-o Umden-oni Sonapur-ona km 38.6 mangni gita tarianio PMGSY 111 Scheme-ni ning•o tangka gong crore 47.20 mangni gita koros ong•anggen. Taria matchotahaon ia ramani apalani 5.5 meter mangni gita ong•gen.

Pangchakaniko song•e on•anio, Deputy Commissioner, Prestone Tynsong, Umden-o donggipa manderangni ru•uta bilsirangna dabianiko chu•sokatna man•ahani gimin kusi ong•aniko parakatan baksana a•dok sorkarini rika cho•ani kamrangko namdapatna on•kangani gimin aganengon, Meghalaya a•dok gimiko rama jal•angrangko namdapatna gita crore-ni crore tangka paisarangko koros ka•manaha, jeon bang•bata project-rang matchotaha aro mittamrang matchotna siengaha.

Deputy Chief Minister, Prestone Tynsong, rika cho•ani kamrango state plan-ni ning•o tangka gong crore 1,100, PMGSY-ni ning•o tangka gong crore 1,100-ko, Central Infrastructure Fund (CIRF)-niko crore 400, Rural Infrastructure Development Fund (RIDF)-niko crore 140 aro World Bank-niko crore 2,000-ko man•chapa ine u•iataha.

Nongpoh-ni MLA Mayrol Born Syiem, Skotong Minister Conrad K Sangma aro Deputy Chief Minister Prestone Tynsong baksana ia project-ko chu•sokatna dakchakgipa sakantikon demittelangaha.

Na·simang ia video-koba nina man·gen: 

Na·simang iakoba poraina man·gen: Jowai-o Seinraij Higher Secondary School-ni Diamond Jubilee manianiko matchotata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub