Shillong, May 2: United Arab Emirates (UAE)-ni Dubai Azman-o chang 20-gipa Asian Para Arms Wrestling Championship-ko ong·atgipao bakko ra·ange, Meghalaya, Nongstoin-oni saksa jakpong pe·susagipa, Mongolbar salo, 70kg category-o jakrachi jakpong pe·susanio sonani medalko aro jakasichi pe·susaanio silver-ni medalko chee a·doktangna mikkim-rasongko ra·baaha.
Ia susaaniko, April 28 tarikoni May 3 tarikona ong·atenga aro susaani bon·kamgipao, Meghalaya-ni Paliar minggipa, Kazakhstan-oni Dmitri Skubaba baksa jakpong pe·susae niksengaha.
Nachil knabregijagipa Paliar, professional baker-na skie ra·anirangko dakgipa ong·e ua da·o Home Delights Bakers & Confectioners baksa kamko ka·enga. Chonaonin ua, kal·susaanirango mongsongbate robol kal·na aro jakpong pe·susana gisik nangbagipa ong·eming, iana skangrang Turkey-o ong·atanggipa World Arm Wrestling Championship-o India-ni pal ong·e 55kg senior category-o susaangaha aro 2015 bilsini May jao ong·atgipa Meghalaya Arm Wrestling Championship-oba ua chegipa ong·aha.
Iakoba poraie nina man·gen: Niamo pangchake a·dokni koelako bikotna sakbri manderangni mining lease-ko India sorkari ra·chakanga
