Tura, April 19: Budbar salpaksachibara, North Garo Hills a•jao gari bolgni chatinggrike a•sel ong•aha aro ia a•sel ong•anio gari bolgnionin adita sak manderang saknaanirangko man•na nangaha.
Koborko on•ani gitade, Budbar salpaksachibara Krishnai-oni Tura-ona manderangko salbaenggipa tata winger gari bolsako, North Garo Hills a•jani Bajengdoba jolo donggipa Gokul songo, mikkangchipakni ong•gija biap gita re•baskaenggipa Hyundai gari bolsa su•gakeaha. Ia a•sel ong•anio Hyundai garini sakgittam manderang baksana winger gariniba adita sak manderang saknaanirangko man•na nangaha. Winger gario re•baenggipa mande sakgnide skorangoba mata bu•anirangko man•aha ine kobor on•aha.
Mikrontangchi nikgipa manderangni u•iatani gitade, Tura-chipakni re•angenggipa Hyundai gari, ta•rakbee aro ong•gija biap gitasa re•ange, mikkangchipakni re•baenggipa Winger gariko su•gakeaha.
Ia a•sel ong•ani ja•man, Hyundai gariko salgipaba sibokaha aro winger gariko salgipa mandeba ua biaponi kataha.
Iakoba poraie nina man·gen: Laitumkhrah Parish parking lot-niko gari cha·una jotton ka·a
