Shillong, July 2: Re•anggipa June jani 18 tariko, North Garo Hills-o silchidare gnang ra•sekdrae ra•gipa dolrang, ka•dongbee ra•seke ra•aniko dakangaha. Ia ra•seke ra•gipa dolrang AS18J-0181 registration number donggipa Aprilia Scooty aro AS18 E-7925 registration number donggipa 220 Bajaj Pulsar gisim-o re•baenba ku•sik ka•tipa gnang a•selo ga•akgipa mandeni nokona napdrabaenba ua mandeko slai jotdikenba tangka gong 80,000 baksana uni nanggipa lekkarang aro mobile phone bolgniko sek•drae ra•angaha.
Kattarang giproroanga jaman, Assam Goalpara-ni Beldongpara -o songdongenggipa gisik rak•gipa songni manderang obosta ong•gipa biapona ta•raken chaangtokaha. Kena gnang mikkang chakgrikenba, songni manderang cha•oe ra•bagipa garirangko dondikatna gita man•aha. Indake ong•engon, dos dakgipa manderang walni somoi ong•enba jenten joke katna gita man•aha. Rim•a man•gipa garirangko joljolan Mendipathar Police Station-ni manderangna pakwatataha.
2024 bilsini June 19 tariko, Mendipathar Police Station-o Case no. 09(06)2024 under section 392 IPC aro Section 25 (IA) (IB) Arms Act-ni ning•o uamangni kosako FIR-ko segataha. Iani bidingo, DySP Special Ops aro uni dingtangmancha seokgimin dolrang, Assam jolo denggu dakgipa dolrangni donue dongram ine chanchichipenggipa pilak biaprangoniko am•sandie nianiko dakataha.
Indake ong•engon, 2024 bilsini June 24 tariko, Assam Goalpara-ni Upper Borgum-o donggipa bilsi 33 ong•gipa Sunil Boro-ko Dhupdhara Police Station-ni ning•o ga•akgipa biaponiko rim•aha aro indake ra•sekdrae ra•anio jakkalgipa scooty-koba rim•a man•gipa mandeoniko man•aha. Uko rim•na gita man•genchim ong•oba, uni gipin dolrang chongmotan Kaltu Rabha, Turti Basumatary aro Sahadev Basumatary maangko rim•na gita man•kujaengachim.
Ia sandirikitaniko dakanio, 2024 bilsini July 1 tariko, kena amjaenba Turti Basumatary North Garo Hills Police-na bame on•ea baksana, semi-automatic pistol baksana changgni joljol gona man•gipa gulirangkoba pakwate on•eaha. Iani gisepon, uni dakchakanichi Sahadev Basumatary-ko West Garo Hills-ni Tikrikila-ni sambao donggipa Assam-Meghalaya sima ari jolniko rim•na gita man•aha.
Authority-ni manderang dos dakgipa manderangko rim•enba kakket bichalko on•a gita mangsonge rake kamrangko ka•enga. Rim•ako man•gipa manderang niam pe•ronggipa ong•a, jean Assam aro Meghalaya a•dok gimiko bang•a ra•sekdrae ra•anio jak dongpagiparangba ong•achim.
Na·simang ia video-koba nina man·gen:
Na·simang iakoba poraina man·gen: Bijoli gri ong•gipa songrangna a•dokni CM transformer-ko on•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
