Resubelpara, March 20: Meghalayani Deputy Speaker aro Resubelparani MLA Pa Timothy D Shira North Garo Hillsni Raja A·pal songo Watershed Yatra vanko Bristibar salo a·bachengate on·angaha. Ia Watershed Yatra van ko March jani 19 tariko a·dokni skotong Shillongo sorkari a·bachengate dingtang dingtang districtrangona wenjojoe kamrangko ka·e da·alo North Garo Hillsonaba sokbaaha aro A·chik a·songni dingtang dingtang districtrangona ia wenange kam ka·na miksongenga. Iako dakani miksonganiara Pradhan Mantri Krishi Sinchayee Yojna (PMKSY 2.0) ni ning·o ringani chiko ripinganina kam ka·anirangko manderangna nambate talataniko on·a ine ong·a.
Iako a·bachengatani salo Deputy Speaker T D Shirana agreba, Bajengdobani MLA Pa Pongseng Marak, Mendipatherni MLA Pa Marthon Sangma, Kharkhutani MLA Pa Rupert Momin SWCDni Dr Joram Beda, aro District-ni dal·dalgipa dilgiparang bak ra·angpaaha.
A·a aro chi mandena gamchata aro uko ripingna nangani mande sakantini dai ong·a. Manderang jelbatroroengon chiring-chibisikrangni chirang ran·krekroroengaha aro ian re·bagnigipa chasongna namen kenbeani ong·gen ine tom·ao Pa Timothy D Shira jinmana aganaha.
Soil and Water Conservation Department aro PHE ni minister Pa Marcuis N Marakba chi-na simsakna nangani aro uko ripingani bidingo jinmana aganapaaha. Chiko ka·sae jakkalani bidingo songni-nokni manderang chadamberang, self-help grouprang daiko ra·e sakgipinrangna agan-mesoke on·a nanga ineba Pa Marak tom·ao aganaha.
A·dok sorkari, songni-nokni tang·dororkanina, manderangni an·seng-baljokanina, rama-jal·angrangna namen kam ka·beenga, indiba ia janggiko on·gipa Chiko ripingna nangani gimin kam ka·aniba sorkarini mongsonggipa kam ong·a ineba ua aganaha.
Ua tom·anio gipin MLArang jekai Pongseng Marak Marthon J Sangma Rupert Mominba jinmana aganpaaha. SWCD ni Commissioner and Secretary Dr Joram Beda ba tom·dakenggipa manderangna chi ni gamchatani aro uko ripingna nangengani bidingo aganpaaha.
A·chik a·songni dingtang dingtang biaprango ia WDC ni ning·o kamrangko chu·sokatna krenggipa aro on·kange kam ka·giparangna mittelpilskaanikoba dakjolaha. Uamangara, Elatchi A·paloni Veny Ricky R Marak, Dopgre Songoni Nikrak Marak, Badri Rongdong songoni Gripson Sangma iarang ong·a, uamang sakprakprakna tangka gong hajal kolgrikbonga tangkarangkoba suale on·jolangaha. Biaprang gittimtang aro chiga tangko tangsek, tangsim biaprang ong·atpiltaina ingipao ia programni bon·kamao bol pangrangkoba ge·jolangaha.
Na·simang ia video-koba nina man·gen:
Na·simang iakoba poraina man·gen: M’laya a•dok gimikon banggriani aro a•a ruronganina Mock Exercise-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
